Jan Pospíšil

El Vikipedio, la libera enciklopedio
Saltu al: navigado, serĉo
Temas pri... Ĉi tiu artikolo temas pri ĉeĥa esperantisto. Por aliaj signifoj vidu la paĝon Jafo.

Jan POSPÍŠIL (naskiĝis en 1954) estas ĉeĥa esperantisto kaj inĝeniero.

Li estas aktivulo de la scienc-teĥnika sekcio de ĈEA, kunfondinto kaj ekskomitatano de TEC de UEA, aktivulo pri terminologio, kunlaborinto en DLT-projekto kaj en Esperanta Bildvortaro en fakoj aviado, aviada meteorologio, aerodromoj, aviada medicino kaj aliaj fakoj rilataj al aeronaŭtiko, aviado, kosmonaŭtiko, flugado.

Por la DLT-projekto li en la 1980-aj jaroj uzis sian UEA-kodon jopo kiel pseŭdonimon: en Esperanto elparolitaj jp, do jopo.

En 1992-1993 li laboris profesie por terminologio kadre de UEA kiel direktoro de Terminologia Esperanto-Centro (la 4-a oficejo de UEA, en Ĉeĥio).