John Platt (komputikisto)

El Vikipedio, la libera enciklopedio
Saltu al: navigado, serĉo

John PLATT estas usona matematikisto kaj komputikisto naskiĝinta en Elgin (Ilinojso, Usono).

Li lernis komputadon en la Kalifornia Ŝtata Universitato ĉe Long Beach kaj en la Kalifornia Instituto de Teknologio, kie li doktoriĝis.

Dum siaj studoj en Kalifornia Instituto de Teknologio, sub la gvidado de la astronomo Eugene Shoemaker, li malkovris du asteroidojn elde la Observatorio de la Monto Palomar. John Platt nomis unu el ili 3237 Victorplatt en honoro de siaj patroj, Victor Platt  ; sed li ne sufiĉe rapide petis por doni al la alia la nomon de sia patrino, Felicia Platt. La geedzoj Eugene kaj Carolyn Shoemaker do lasis John Platt doni la nomon 3927 Feliciaplatt al unu asteroido, kiun ili mem estis malkovrintaj.

John Platt ricevis postenon de estro de esploro en la firmao Synaptics, (provizanto de tuŝplatoj por la fabrikantoj de poŝtelefonoj). Li poste, en 1997, aniĝis al la "Knowledge Tools Group" ("Grupo pri konadiloj") de Mikrosofto.

En aŭgusto 2005, peto de patento fare de la komputila firmao Apple koncernanta la interfaco por iPodoj, estis rifuzita de la Usona Ofico pri Patentoj kaj Markoj, la kialo estus ke John Platt metis patenton pri simila interfaco kvin monatojn antaŭ la peto de Apple[1],

En 2005, John Platt kaj Demetri Terzopoulos ricevis kune la "Oskaron de la scienca kaj teknika perfekteco" por ilia pionira laboro pri teknikoj de komputila grafiko permesanta la realisman prezenton de tukoj en komputilgrafika animacio [2].

Li ankaŭ eltrovis algoritmon tiel nomita "minimuma sekvenca optimumigo"[3], vaste uzita en maŝina lernado (unu el la branĉoj de la artefarita inteligenteco).

Malkovritaj asteroidoj  : 2
3237 Victorplatt 25-a de septembro 1984
3259 Brownlee 25-a de septembro 1984


Notoj kaj referencoj[redakti | redakti fonton]

  1. Inside Apple's iPod patent problems (Ena problemo pri patento por Apple-a iPodo) (angle)
  2. 2006 Academy Awards (Oskarpremioj 2006) (angle)
  3. Sequential Minimal Optimization: A Fast Algorithm for Training Support Vector Machines Minimuma Sekvenca optimumigo : Rapida algoritmo por lernantaj maŝinoj kun portanta vektoro) (angle)

Eksteraj ligiloj[redakti | redakti fonton]

angle Retpaĝo de John Platt