Josef Hála

El Vikipedio, la libera enciklopedio
Salti al navigilo Salti al serĉilo
Josef Hála
Persona informo
Naskiĝo 1-an de novembro 1928 (1928-11-01) (91-jara)
en Písek
Ŝtataneco Ĉeĥio
Profesio
Profesio pianistopedagogo • klavicenisto
Information icon.svg
vdr


Josef Hála (naskiĝis la 1-an de novembro 1928 en Písek) estas elstara ĉeĥa pianisto, klavicenisto kaj muzika pedagogo (li estas profesoro en AMU – Muzika altlernejo en Prago, kie li instruas ekde 1960). Li famiĝis pro sia brila ludotekniko, multflanka klereco kaj vasta repertuaro (ekde baroko ĝis nuntempo).

Li ludas precipe kiel akompananto kaj kiel kamerludanto (kun ensembloj Smetanovo trio, České trio, Ars rediviva kaj aliaj). Li regule koncertis kaj registris komponaĵojn kun mondfamaj solistoj (ekz. Christian Ferrase, Henryk Szeryng, Wanda Wilkomirska, Josef Suk mladší, Shizuki Ishikava) kaj multaj orkestroj en Eŭropo kaj Japanio (registraĵoj por eldonejoj Supraphon, RCA Victor, Nippon Columbia, Panton, Opus kaj ankaŭ por ĉeĥaj kaj eksterlandaj radio- kaj televidofirmaoj). Li koncertis en multaj landoj de Eŭropo, en Usono, Afriko kaj Azio (precipe en Japanio, kie li longdaŭre agis kiel pedagogo) Por sia interpreta majstreco li akiris multajn prestiĝajn apremiojn, ekz. premion de francaj kritikistoj por kompleta registraĵo de klavicenaj koncertoj de Jiří Antonín Benda.