Jotvingoj
| Jotvingoj | |
|---|---|
| etno | |
| Baltoj | |
| Ŝtatoj kun signifa populacio | |
La jotvingoj (jotvinge, prapruse kaj litove jotvingiai, germane Jadwinger, Jadwingen, Jotwinger, latve jātvingi) estis okcidenta balta tribo en la historia teritorio Sudovio (malnovprusa sudawa, sudowia). Lige al tiu teritorio ili ankaŭ foje nomatis sudovoj (malnovprusa sudowiai, litove sudūviai, germane Sudauer).
La areo ĝis 1945 grandparte situis en la suda parto de Orienta Prusio, parto de la germana Regno, kaj hodiaŭ estas dividita inter Pollando, Litovio kaj Belorusio.
La jotvinga lingvo estis proksime rilata al la malnovprusa, sed ankaŭ al la litova, do la jotvingoj kun la iom pli okcidentaj galindoj konsideratas baltoj proksimaj al la praprusoj, sed distingaj.[1] La lingvisto Petras Būtėnas asertas, ke ili estis plej proksimaj al la litovoj.[2] La jotvingoj kontribuis al la formado de la frumezepoka litova ŝtato, el kiu evoluis la grandprinclando Litovio.
Referencoj[redakti | redakti fonton]
- ↑ Zigmas Zinkevičius, Marytė Černelienė, Bronius Makauskas, Petras Maksimavičius, Sigitas Birgelis, Juozas Sigitas Paransevičius, Palmira Mikėnaitė, Birutė Burdinaitė-Ołów, Taida Balčiūnaitė: (2009) Terra Jatwezenorum: Jotvingių krašto istorijos paveldo metraštis (jarlibro de la historia heredaĵo de la jotvinga regiono) (litove). eldonejo Punsko „Aušros“ leidykla.
- ↑ Petras Būtėnas: “Sudūviai - Jotvingiai - Dainuviai (en formato PDF)”, ĵurnalo Karys, decembro 1957 (lt) 10 (1337), p. 314–316.
