Julia Gutiérrez Caba

Honorigoj
Honorigoj	Gold Medal of Merit in the Fine Arts • Grand Cross of the Civil Order of Alfonso X the Wise • Gold Medal of Work Merit • Goya Award for Best Supporting Actress • Premi Memorial Margarida Xirgu vd

**Julia Gutiérrez Caba**
Julia Gutiérrez Caba
Persona informo
Naskonomo	Julia Gutiérrez Caba
Naskiĝo	20-an de oktobro 1928 (95-jaraĝa); en Madrido
Lingvoj	hispana vd
Ŝtataneco	Hispanio vd
Familio
Patro	Emilio Gutiérrez Esteban vd
Patrino	Irene Caba Alba vd
Gefratoj	Emilio Gutiérrez Caba • Irene Gutiérrez Caba vd
Edz(in)o	Manuel Collado Álvarez vd
Parencoj	Julia Caba Alba vd
Profesio
Okupo	aktoro vd
Aktiva dum	1951– vd
Honorigoj
Honorigoj	Gold Medal of Merit in the Fine Arts • Grand Cross of the Civil Order of Alfonso X the Wise • Gold Medal of Work Merit • Goya Award for Best Supporting Actress • Premi Memorial Margarida Xirgu vd
vd	Fonto: Vikidatumoj
	v • d • r

Julia GUTIÉRREZ Caba (Madrido, 20a de oktobro 1928) estas hispana aktorino.

Biografio kaj kariero[redakti | redakti fonton]

Ŝi devenas el familio de granda spektakla tradicio: filino de geaktoroj Emilio Gutiérrez kaj Irene Caba Alba, nepino de Irene Alba, nevino de Julia Caba Alba kaj fratino de Irene kaj Emilio Gutiérrez Caba; ŝi estas ankaŭ onklino de la produktoro José Luis Escolar kaj praonklino de la aktorino Irene Escolar. En majo 1964 ŝi edziniĝis al teatra reĝisoro Manuel Collado Álvarez (mortinta en 2009). Ŝi debutis en teatro en 1951 per Mariquilla Terremoto, kun la Kompanio de Catalina Bárcena, kaj ŝi poste pasis al tiu de Isabel Garcés. En sekvaj jaroj ŝi iĝis fama teatra aktorino, kun verkoj kiel Las entretenidas, Petra Regalada de Antonio Gala kaj El jardín de los cerezos de Anton Ĉeĥov. En 1970 ŝi fondis sian propran kompanion kun sia edzo.

Ŝia kina debuto okazis en 1960 kun Juan Antonio Bardem en la filmo A las cinco de la tarde. Ekde tiam en kino ŝi estis preskaŭ ĉiam ligita al ludado de dramaj roloj. En 1977 ŝi apartiĝis disde kino kaj revenis nur post 20 jaroj pere de La herida luminosa de José Luis Garci. Ŝia sekva kuna filmo, nome You're the One (una historia de entonces), havigis al ŝi Goya-premion al la plej bona duaranga aktorino.

En televido ŝi debutis por Jaime de Armiñán kaj laboris ĉefe en TVE. En 1972 ŝi estis protagonisto de la serio Buenas noches, señores, en kiu ŝi ludis diferencan rolon en ĉiu epizodo. Same kiel ĉe kino, ŝi havis ankaŭ periodon de pli ol 20 jaroj ne farante televidon por centriĝis en teatra kariero. Ŝi revenis por la serioj Los Serrano (2003-2008), Águila Roja (2011-2012) kaj Estoy vivo (2017).