Kaprico de Gaudí
| Kaprico de Gaudí | ||||
|---|---|---|---|---|
| Capricho de Gaudí | ||||
|
| ||||
| domo | ||||
| Prezento | ||||
| Stilo | Modernismo | |||
| Tipo | Ĝardena domo | |||
| Arkitekto | Antoni Gaudí | |||
| Dato de konstruo | 1883 | |||
| Protekto | Historia monumento ekde 1969 | |||
| Geografio | ||||
| Lando | Hispanio | |||
| Regiono | Kantabrio | |||
| Loko | Comillas | |||
| Geografia situo | 43° 23′ 1″ N, 4° 17′ 34″ U (mapo)43.383669-4.292694Koordinatoj: 43° 23′ 1″ N, 4° 17′ 34″ U (mapo) | |||
| ||||
|
| ||||
La Kaprico aŭ Kaprico de Gaudí (hispane Capricho de Gaudí) estas konstruaĵo desegnita de arkitekto Antoni Gaudí en 1883. Ĝi situas en la municipo Comillas, en Kantabrio (Hispanio).
Ĝia origina nomo estis Villa Quijano, sed ĝi estis popole alinomigita al Kaprico, ĉar ĝi estis konstruita laŭ volo de Máximo Díaz Quijano, bofrato de la Markizo de Comillas, kiu volis someran feriejon laŭ azia stilo. La konstruado okazis inter 1883 kaj 1885 kun helpa arkitekto Cristòfor Cascante i Colom. Ĝi estis deklarita historia monumento en 1969. Ĝi situas apud la Palaco de Sobrellano.
La konstruaĵo iĝis restoracio en 1985 kaj en 1992 ĝi estis aĉetita de japana entrepreno Mido Development, kiu estas ties posedanto ĝis nun. De 2009 ĝi estas denove malfermita, kaj eblas ĝin viziti turisme.[1]
La Kaprico, kune kun la Episkopa Palaco de Astorgo (provinco Leono) kaj la Domo Botines en Leono estas la tri solaj verkaĵoj de Gaudí ekster Katalunio.