Kazantipo (kabo)

El Vikipedio, la libera enciklopedio
Salti al navigilo Salti al serĉilo
Kazantipo vidata de supre

Kazantipo (ruse Казантип, ukraine Казантип, krime-tatare Qazan Tip) estas kabo kaj malgranda duoninsuleto sur la suda bordo de la Azova Maro, en la nord-orienta parto de la Krimea duoninsulo. Krome, Kazantipo estas la nomo de fama elektronik-muzika festivalo, iam aranĝata ĉe la kabo.

Pri la kabo[redakti | redakti fonton]

La nomo havas tjurkan devenon; en la krime-tatara lingvo qazan tip signifas "fundo de kaldrono". La kabo ricevis tian nomon pro sia reliefo — ĝi havas iom rondan formon kaj ĝia centra parto estas relative malalta (20-30 metroj super la marnivelo) kaj estas ĉirkaŭita de montetoj, proksimume 50 metrojn altaj. La proksimuma diametro de la kabo estas 3–4 km.; ĝi disdividas la Kazantipan kaj la Arabatan golfojn de la Azova maro.

Preskaŭ la tuta kabo estas kovrita de stepoj; la bordoj estas plejparte abruptaj kaj kalkoŝtonaj. Ekde la jaro 1998 la teritorio de la kabo estas ŝtata natur-rezervejo de Ukrainio.

Sur la kabo funkcias la Kazantipa lumturo; en la orienta parto de la kabo troviĝas restaĵoj de antikva loĝloko (proksimume 3a-2a jarcentoj a.K.). Apud la kabo troviĝas la urbo Ŝĉolkino (la urbo de la konstruistoj de la Krimea atomcentralo) kaj la vilaĝo Misovoje.

Samnoma festivalo[redakti | redakti fonton]

La kabo aparte famiĝis pro la internacia festivalo de elektronika muziko "Respubliko KaZantipo" (ruse Республика KaZaнтип, Республика Z, КаZантип, en la ruslingva nomo oni intence skribis la literon Z latinskribe kaj majuskle), kiu estis aranĝata ĉi tie inter la jaroj 1993 kaj 1999. En la postaj jaroj la festivalo estis organizata en aliaj lokoj de Krimeo (en 2000 — apud Sudako, ekde la jaro 2001 — apud Eŭpatorio). La festivalo estas opiniata kiel la plej granda elektronik-muzika festivalo, organizata sur la teritorio de eksa Sovetio.

Eksteraj ligiloj[redakti | redakti fonton]