Quévert

Quévert / Kever
komunumo
komunumo en Francio
Blazono
Administrado
Regiono	Bretonio
Departemento	Côtes-d'Armor
Arondismento	Dinan
Kantono	Dinan
INSEE kodo	22259 [+]
Poŝtkodo	22100
En TTT	Oficiala retejo [+]
Demografio
Loĝantaro	3 966  (2021) [+]
Loĝdenso	318 loĝ./km²
Geografio
Geografia situo	48° 28′ N, 2° 5′ U (mapo)48.463611111111-2.0872222222222 [+]
Alto	103 m [+]
Areo	12,48 km² (1 248 ha) [+]
Quévert / Kever (Côtes-d'Armor) DEC Quévert / Kever Situo de Quévert / Kever
Quévert / Kever (Francio) DEC Quévert / Kever Situo de Quévert / Kever
Alia projekto
Vikimedia Komunejo Quévert [+]

Quévert - jen france, prononco [kevɛʁ] , bretone Kever - estas komunumo de Francio. Ĝi situas en la departemento Côtes-d'Armor (jen france, bretone Aodoù-an-Arvor), “marbordoj de la lando ĉe la maro”, en la regiono Bretonio (france Bretagne, bretone Breizh). Laŭ la stato de 2021 en la komunumo vivis 3 966 loĝantoj sur areo de 12,48 kvadrataj kilometroj, kio rezultigas loĝdenson de 318 loĝantoj/km². Ene de la departemento, la komunumo apartenas al la arondismento Lannion kaj al la kantono Dinan. La teritorio havas komunan limon kun Taden, Aucaleuc, Corseul, Dinan, Léhon, Trélivan kaj Dinan.

Geografio

Quévert situas nord-okcidente de Dinan, ties najbaro, apartigita per nacia vojo N176.

Historio

Quévert ekzistis ekde la 12-a jc, kaj ĝi estis kunigita al Corseul poste al Saint-Malo. Kiel la aliaj francaj komunumoj, ĝi elektis sian unuan konsilion en 1790.

La 19-an de aprilo 2000, juna virino, 28-jara, dungito de la restoracio McDonald's de Quévert, estis murdita per bombo, kiu eksplodis sur ŝia laborloko. La atenco estis ĝenerale atribuita al la bretona sendependisma movadaro, precipe pro la uzata eksplodaĵo, kiu venis de la stokoj ŝtelitaj en Plévin en septembro 1999. La tri sendependistoj juĝitaj pro tiu atenco estis definitive senkulpigitaj en 2009.

Heraldiko

Vidu ankaŭ: Blazonaro de la komunumoj de Côtes-d'Armor

	Blazono	france Taillé : au premier de sinople à la croix pattée alésée d'argent, au second de gueules à la roue dentée d'or : à la cotice en barre d'argent chargée de cinq mouchetures d'hermine de sable brochant sur la partition ; le tout sommé d'un chef d'argent fretté d'azur de huit pièces. esperante Tranĉita laŭ maldekstra balteo : la unua sinopla kun plilarĝigita alezita arĝenta kruco, la dua ruĝa kun ora dentrado, la balteeto arĝenta ŝarĝita per kvin sablaj ermenoj sur la tuto; kun arĝenta kapo lazure plektita per ok pecoj.
	Detaloj

Lokoj kaj monumentoj

• Kapelo Sainte-Anne-du-Rocher datiĝanta de la 14-a jc.
• La paroĥa preĝejo, ties baptujo de la 16-a jc kaj la statuo de Virgulino kun infano.

Edukado kaj kulturo

« Les Mordus de la Pomme » (esperantlingve "la pomŝategantoj") organizas ĉiujare la Fête de la Pomme (esperantlingve "pomfesto") la unuan semajnfinon de novembro. La diversaj metioj ligitaj al kreskigo, ekspluatado kaj vendo de pomoj estas ekspoziciataj. Konkursoj pri prezentado per korboj kaj desegnoj faritaj de la infanoj de la lernejoj de la lando de Dinan estas tiam organizataj.

Sporto

• La "Hokeklubo de Quévert" estas kvinfoja ĉampiono de Francio de radhokeo .

Ĉirkaŭaĵo

Quévert estas konata pro sia "Courtil des Senteurs", rozejo kreita ĉirkaŭ fontano. Tie estas plantitaj kaj bontenataj nuntempaj aŭ maloftaj rozujoj. Okaze de ĉiu naskiĝo de knabino en Quévert, rozujo estas plantita.

Quévert aranĝis temajn piedirajn vojojn, kiaj "Chemin des fleurs" kaj "chemin des Roches" aparte dediĉita al granito.

Eksteraj ligiloj

• Oficiala retejo (france)