Kompton-efiko

Skemo de Kompton-efiko

Kompton-efiko (aŭ efiko de Komptono) estas ne-elasta difuzo de fotono sur elektrono. Post difuzo, la fotono havas pli grandan ondolongon (do pli malaltan energion). Kutime, la reago de altenergia fotono sur elektrono ligita al atomo nomiĝas efiko de Komptono, dum reago de mezenergia fotono (ekzemple el tiuj de la videbla lumo) sur libera elektrono nomiĝas efiko de Thomson, kiu estas elasta difuzo laŭ kiu la ondolongo konserviĝas.

Diferenco de ondolongo estas priskribata per la formulo:

$\ \Delta \lambda =\lambda _{C}(1-\cos \theta )$

kie:

• $\theta$ - angulo de difuzo,
• $\lambda _{C}=h/m_{e}c=2,43\cdot 10^{-12}$ m - ondolongo de Komptono por elektrono,
• $h$ - konstanto de Planck,
• $m_{e}$ - maso de elektrono,
• $c$ - lumrapido.

La energia perdo de la incidanta fotono estas:

$|\Delta E|=hc{\frac {\lambda _{C}(1-\cos \theta )}{\lambda (\lambda +\lambda _{C}(1-\cos \theta ))}}$

Vidu ankaŭ

• Arthur Holly Compton
• Difuzo de Rayleigh