La fera kalkanumo

La Fera Kalkanumo
	La Fera Kalkanumo
Aŭtoro	Jack London
Eldonjaro	1930
Urbo	Lepsiko
Eldoninto	SAT
Paĝoj	360
	v • d • r

La Fera Kalkanumo ^[1] (angle : The Iron Heel) estas romano de Jack London (1908). El la angla tradukis ĝin Georgo Saville. Sennacieca Asocio Tutmonda (SAT) eldonis la 360-paĝan tradukaĵon en la jaro 1930.

Enhavo[redakti | redakti fonton]

Ĝi estas malutopia verko pri la eko de ekfaŝisma tiranado en Usono. Ĝi estas la romano, kie lia socialismo aperas pli malkaŝe. Por multaj legantoj, ĝi similas la posta 1984 de George Orwell, kaj Orwell-biografiisto Michael Shelden mencias, ke ĝi influis tiun.

La 7-a ĉapitro estas preskaŭ laŭlitera kopio de ironia eseo de Frank Harris.

Scienco-fikciemuloj taksas ĝin ĉefverko kaj pioniraĵo de la "mola scienco-fikcio" de la 1960-aj kaj 1970-aj jaroj, kiu atentas socian kaj politikan ŝanĝon pli ol teĥnologian.

La novelo de Jack London The Scarlet Plague, kaj aliaj malgrandaj rakontoj, situas en malutopia estonteco tre similanta La Fera Kalkanumo, kvankam ne estas daŭro de personoj aŭ situoj.

Recenzoj[redakti | redakti fonton]

„ Ne vera romano ĝi estas, sed socia aŭ socialista pledado, en formo de memorlibro. Bona traduko. ”

— 1930, Georges Stroele, Esperanto, paĝo 182

„ Socialista pledado en formo de memorlibro. La aŭtoro imagas ke en la 26-a jarcento oni retrovas manuskripton de la 20-a en kiu la edzino de revoluciulo rakontis la eventojn de sia tempo kaj la vivon de sia tempo kaj la vivon de sia edzo Ernesto. Eventoj tute imagaj kaj elpensitaj de London. La verko estas do malprava kaj sen historia intereso. Certe London faris majstroverkojn : Ĝojradia Tagiĝo, Martin Eden, La Luna Valo, La Voko de l' Arbaro, ktp... Kial la tradukistoj ne pensas pri ili? ”

— 1930, Historio de Esperanto II, paĝo 711