Lord Voldemort

Lord Voldemort
sorĉisto en mondo de Harry Potter • literatura rolulo • rolulo en fantasta filmo • half-blood • Slytherin student • teatra rolulo
Kreita de	J. K. Rowling
Verko	Harry Potter
Rolita de	Ralph Fiennes, Frank Dillane, Hero Fiennes Tiffin, Christian Coulson, Richard Bremmer, Ian Hart, Eddie Izzard, Clayton Nemrow
Informoj
Reala nomo	Tom Marvolo Riddle
Sekso	vira
Nacieco	Unuiĝinta Reĝlando (Britio)
Posedaĵo	Nagini, Dark Mark, Tom Riddle's diary, Basilisk in the Chamber of Secrets, Marvolo Gaunt's ring
Mortokialo	magio en Harry Potter, Expelliarmus, Avada Kedavra
Mortigita de	Hari Poter
Loĝloko	Britio
Edukejo	Hogwarts
Okupo	magiisto
Familio	Tom Riddle Sr. Merope Gaunt
Patro	Tom Riddle
Patrino	Merope Gaunt
Kunulo	Bellatrix Lestrange
Infanoj	Delphini Riddle
Malamikoj	Hari Poter • Albus Dumbledore • Ordeno de la Fenikso • Hermione Granger • Ronald Weasley • James Potter • Rubeus Hagrid • Ginny Weasley • Luna Bonamo • Minerva McGonagall • Severus Snape
Parencoj	Salazar Slytherin Harry Potter

Lord Voldemort estas rolulo kaj la ĉefa antagonisto/fiulo de la serio Harry Potter verkita de J. K. Rowling. Li estas unu el la plej fortaj magiistoj de sia tempo, kiu preskaŭ sukcesis atingi senmortecon kaj timigas la tutan magian mondon.

Biografio

La patrino de Lord Voldemort, kiu donis al li la nomon Tom Marvolo Riddle, venas de la familioj de Peverell kaj Slytherin, kaj lia patro estis muglo, do Voldemort mem ne estas pursanga magiisto. Li kreskis en orfejo ĝis sia 11-jariĝo, kiam Albus Dumbledore, forta magiisto kaj instruisto de Hogwarts, venis por rakonti al la knabo pri liaj magiaj fortoj kaj inviti lin studi en la lernejo. Tom jam de sia infaneco eksperimentis per magio sen konscii pri tio: li translokigis objektojn, manipulis bestojn kaj povis organizi problemojn por aliaj orfejanoj, kiujn li ne ŝatis. En Hogwarts li iĝis la plej bona studento, strebante lerni laŭeble plej multe, sed li ankaŭ kaŭzis problemojn: li malfermis la Ĉambron de Sekretoj kaj liberigis Baziliskon por mortigi nepursangajn studentojn, kaj kulpigis pri tio Hagrid, studenton de la tria jaro, kies pasio estis magiaj bestoj kaj kiu estis rezulte eksigita de la lernejo. Li ankaŭ kolektis grupon de samideanoj, kiuj poste iĝis Mortmanĝantoj (angle Death Eaters) kaj helpis al li pri liaj krimoj. En lernejo li kreis sian novan nomon, Voldemort, por eviti ĉiun asocion kun sia nemagia patro. Tom aparte interesiĝis pri nigra magio kaj posedis multajn nekutimajn kapablojn: li povis praktiki kelkajn tipojn de magio sen specialaj iloj, paroli kun serpentoj kaj finfine li sukcesis disdividi sian animojn je kelkaj pecoj por kasi ilin kaj igi laŭvorte senmorteca. Sur la pinto de siaj gloro kaj povo Voldemort aŭdas antaŭdiraĵon, ke naskiĝos knabo, kiu povos kreskinte mortigi lin. Li divenis, ke tiu knabo verŝajne estas la filo de James kaj Lily Potter, Harry, kaj mortigas liajn gepatrojn, sed kiam li provas mortigi Harry, lia magio turniĝis kontraŭ li mem, kaj li perdis sian korpon por dek jaroj. Li kaŝiĝis en albanaj arbaroj, kie li trovis sian helponton, Quirinus Quirrel, kiu poste iĝos profesoro de Hogwarts kaj permesos al Voldemort uzi sian korpon por trovi la Ŝtonon de Saĝuloj. Lin malhelpis dekunujara Harry, sed en la sekvaj sep jaroj li faras kelkajn provojn regajni sian povon en la magia mondo.