Margaret Lilly Blaise
| Margaret Lilly Blaise | |
|---|---|
| |
| Personaj informoj | |
| Naskiĝo | 30-an de aprilo 1878 en Chester |
| Morto | 5-an de aŭgusto 1935 (57-jara) |
| Ŝtataneco | Unuiĝinta Reĝlando |
| Profesio | esperantisto, instruisto |
| Lingvoj | Esperanto, kimra lingvo |
| Esperanto | |
| Esperantisto numero | 10375 |
| Familianoj | |
| Edz(in)o | Paul Blaise |
Margaret Lilly BLAISE (blejz), nask. Jones, (naskiĝis la 30-an de aprilo 1878 en Chester) estis angla profesia Esperanto-instruistino kaj membro de la Lingva Komitatano de 1908.
Vivo[redakti | redakti fonton]
Blaise laboris kiel sekretariino de 1896, kiel estro de komerca lernejo de julio 1900. De 1906-1910 (edziniĝo kun la belga esperantisto Paul Blaise) ŝi instruis Esperanton en vesperaj lernejoj de kelkaj urboj. Ŝi fondis kaj prezidis la Esperanto-Federacion de Lancashire kaj Chesire (tri jarojn), la Sud-Londona Esperanto-Grupon kaj la Dua-Dimanĉan Rondon, Londono.
Blaise propagande paroladis multloke. Ŝi predikis Esperante en la Katedralo de Ĝenevo, 1925. Ŝi instruis Esperanton en londonaj lernejoj.
Kun sia edzo ŝi estis membro de la Loka Kongresa Komitato (LKK) de la 22a Universala Kongreso en Oksfordo en 1930.
Verkoj[redakti | redakti fonton]
- The Esperanto Manual, 1908;
- La Profitoj de Esperanto, 1909;
- A World Language, 1916.
Blaise laboris ankaŭ literature.
Eksteraj ligiloj[redakti | redakti fonton]
- Biografio de Margaret Blaise ĉe Esperanto Research
