Maritza Gutiérrez González

El Vikipedio, la libera enciklopedio
Jump to navigation Jump to search

Maritza Gutiérrez González (nask. 1960) estas kuba esperantistino, ĵurnalistino, diplomito pri ekonomiko en la Havana Universitato. Ekstudis Esperanton en 1979 kaj aktivis ekde 1981 kiel esperanto-instruisto, ekde 1985 kiel estrarano en la landa asocio en la informa fako. Ŝi respondecas pri esperanto-elsendoj de Radio Havano Kubo ekde 1988.

Invitite de la koncernaj landaj asocioj, ŝi prelegturneis en Francio, Germanio kaj Svedio pri Esperanto kiel lingva komunikilo, rolo de la landaj asocioj kaj aliaj temoj kiel Esperanto en la radio en 2006-2007. Kunordiganto de la Amerika Komisino (2007-2010), ŝi estis estrarano de UEA pri landa agado de 2004 ĝis 2007. Denove elektita UEA-estrarano pri landa kaj regiona agado por trijara mandato en 2010.

Eksteraj ligiloj[redakti | redakti fonton]