UK 2010

El Vikipedio, la libera enciklopedio
Saltu al: navigado, serĉo
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
UK 2010
Loko Havano, Havana Province, Flag of Cuba.svg Kubo
Ekde 17-a de julio 2010
Ĝis 24-a de julio 2010
← Antaŭa Sekva →
v  d  r
Information icon.svg
UK 2010.jpg

La 95-a Universala Kongreso de Esperanto okazis de la 17-a ĝis la 24-a de julio 2010 en Havano, Kubo. La kongreson ĉeestis 1002 partoprenintoj el 59 landoj.[1] Jam 20 jarojn antaŭe, en 1990, la 75-a UK okazis en Havano.

Organizado[redakti | redakti fonton]

La kongreson gastigis la kongresejo Palco en la havana kvartalo Playa, kelkajn kilometrojn sudokcidente de la urbocentro. Pri okazigo de la kongreso en Havano decidis la estraro de UEA en la 93-a UK okazinta en Roterdamo 2008. En la evalua procezo kandidatis por la 95-a kongreso ankaŭ Moskvo, sed la Estraro de UEA fine favoris Kubon kaj la Komitato dum sia kunsido en Roterdamo en somero 2008 sekvis la estraron en sia decido. La Lokan Kongresan Komitaton prezidis Julián Hernández, prezidanto de la Kuba Esperanto-Asocio.

Programo[redakti | redakti fonton]

Esperantlingva meso en Havano

La diskutojn pri la kongresa temo Interproksimigo de la kulturoj reĝisoris Duncan Charters kaj Geoffrey Greatrex. Dum la arta programo prezentiĝis kubaj artistoj kaj kun originalaj esperantlingvaj kantoj ankaŭ speciale pro la kongreso formita junulara muzikgrupo Amindaj. Aparta Junulara Programo baziĝis en la hotelo Neptuno-Tritón. En la preĝejo Jesús de Miramar en la hotela kvartalo Miramar dimanĉe okazis Ekumena Diservo en esperanto, marde samloke okazis katolika Sankta Meso (ambaŭfoje celebris sacerdoto Peter Knauer).

Ekskursoj[redakti | redakti fonton]

Oficialaj ekskursoj gvidis al naturparko Valo Viñales, insulo Cayo Levisa, plaĝoj de Varadero, naturparko Guamá (tuttagaj); al Havano, laŭ la Vojo de Hemingway, al vespera kanonpafado en la urba fortikaĵo kaj al vespera spektaklo en la kabaredo Tropicana. Spontane organiziĝis ankaŭ neoficiala junulara ekskurso HEJMEN (Havana Esperanto-Junulara Malmultekosta Ekskurso Neoficiala).

Eksteraj rilatoj[redakti | redakti fonton]

Pri la kongresaj preparlaboroj samkiel la dumkongresaj okazaĵoj informadis la Esperanto-Redakcio de Radio Havano Kubo. La gazetarajn konferencojn organizitajn okaze de la kongreso partoprenis nekutime alta nombro de ĵurnalistoj.

Proksimaj aranĝoj[redakti | redakti fonton]

Dum la semajno antaŭ la UK okazis en la proksima urbo Matanzas kongreso de ILEI, dum la semajno post la UK okazis en Santa Cruz del Norte la 66-a IJK.

Eksteraj ligiloj[redakti | redakti fonton]

Referencoj[redakti | redakti fonton]


Esperanta Flago Universalaj Kongresoj Esperanta Flago
1905-19151920-19391940-19801981-2010
Prago 1996Adelaide 1997Montpellier 1998Berlino 1999Tel-Avivo 2000
Zagrebo 2001Fortalezo 2002Gotenburgo 2003Pekino 2004Vilno 2005
Florenco 2006Jokohamo 2007Roterdamo 2008Bjalistoko 2009Havano 2010
Kopenhago 2011Hanojo 2012Rejkjaviko 2013Bonaero 2014Lillo 2015
Nitro 2016Seulo 2017Lisbono 2018