Moimenta da Beira

Moimenta da Beira
municipo de Portugalio • urbo de Portugalo
Flago	Blazono
Administrado
Poŝtkodo	3620
En TTT	Oficiala retejo [+]
Demografio
Loĝantaro	10 212  (2011) [+]
Loĝdenso	46 loĝ./km²
Geografio
Geografia situo	40° 59′ N, 7° 37′ U (mapo)40.981944444444-7.6158333333333 [+]
Areo	219,97 km² (21 997 ha) [+]
Horzono	UTC±00:00 [+]
Moimenta da Beira (Portugalio) DEC Situo de Moimenta da Beira
Alia projekto
Vikimedia Komunejo Moimenta da Beira [+]

Moimenta da Beira estas urbo de Portugalio, situanta en la nordoriento de la Distrikto Viseu, Centra regiono kaj la subregiono Douro. Ĝi havas ĉirkaŭ 2 843 loĝantojn (2021).

Ĝi estas sidejo de la municipo Moimenta da Beira, kiu havas totalan areon de 219,97 km², kaj 9 410 loĝantojn (2021), subdividita en 16 fregezioj. La municipa teritorio limas nordoriente kun Tabuaço, sudoriente kun Sernancelhe, sude kun Sátão, sudokcidente kun Vila Nova de Paiva, okcidente kun Castro Daire, nordokcidente kun Tarouca kaj norde kun Armamar. La teritorio estas inter la rivero Távero oriente, la montaro Serra de Leomil norde kaj la rivero Paiva sude.

Historio

Biblioteko.

Prahistorian loĝadon atestas kastrumoj kaj megalitoj (dolmeno) troviĝantaj en la municipo. El la romia epoko estas pluraj disaj restaĵoj. Kvankam ĝermanoj ja loĝis en la areo, la islamanoj ne lasis multajn restaĵojn tie.

La areo de Moimenta da Beira estis definitive konkerita el islamanoj inter 1058 kaj 1064, kiuj estis respektive, la jaroj de la konkeroj de Viseu kaj de Koimbro, kio sekurigis la zonon el atakoj fare de sudaj islamanoj.

Post la fondo de la Reĝlando Portugalio (en 1143), ekis administracia organizado, per kreado de municipoj.

Elstaras romanikaj preĝejoj kaj arkitekturo de la 17-a kaj 18-a jarcentoj, videbla ĉefe en la senjordomegoj.

En la unua duono de la 20-a jarcento la loĝantaro estis stabila kaj atingis pli ol 10 000 loĝantojn en 1950, sed poste malpliiĝis pro elmigrado ĝis nunaj pli ol 5 000 loĝantoj, tio estas, oni perdis ĉirkaŭ duonon. Aktuale la ekonomio baziĝas sur agrikulturo, brutobredado kaj derivitaj produktoj, kiel pomoj, kolbasoj, fromaĝoj, kaŝtanoj, ktp.

Submunicipoj

Moimenta da Beira havas la jenajn fregeziojn:

Fregezioj de la municipo Moimenta da Beira.

• Alvite
• Arcozelos
• Baldos
• Cabaços
• Caria
• Castelo
• Leomil
• Moimenta da Beira (sidejo)
• Paradinha e Nagosa
• Passô
• Pêra Velha, Aldeia de Nacomba e Ariz
• Peva e Segões
• Sarzedo
• Sever
• Vila da Rua
• Vilar

Vidindaĵoj

En pluraj loĝlokoj estas interesaj preĝejoj kaj kapeloj, kun gravaj pentraĵoj kaj valoraj liturgiaj juveloj; krome estas ankaŭ nobelaj domegoj ĉefe el la 18a jarcento.

• Pilorioj de Castelo, de Leomil, de Rua, de Sever, de Passô
• Konvento de Nossa Senhora da Purificação (tabelfoto) kaj Blazondomo Solar das Guedes de Moimenta da Beira
• Domo de Aquilino Ribeiro en Peva
• Preĝejoj de Rua, de Ariz,
• Blazondomo Solar de São Domingos de Sarzedo
• Etnografia Muzeo de Arcozelo da Torre
• Kapeloj de Leomil, de Paradinha, de Passô, de Sarzedo
• Dolmeno de Lameiras en Pera Velha
• Sanktejo de Santo Antão - Peva
• Akvorezervejo de Vilar

Bildoj

• 
  Moimenta da Beira.
• 
  Pilorio de Castelo.
• 
  Pilorio de Leomil.
• 
  Pilorio de Leomil.
• 
  Pilorio de Rua.
• 
  Pilorio de Passô.
• 
  Castelo.
• 
  Nagosa.
• 
  Preĝejo de Ariz.
• 
  Romia ponto de Ariz.
• 
  Rivera naĝejo de Segões.
• 
  Rivera naĝejo de Segões.
• 
  Sanktejo de Santo Antão - Peva.
• 
  Vila da Rua.
• 
  Preĝejo de Vilar.

Eksteraj ligiloj

• Birdobservado en akvobaraĵo de Vilar

• En tiu ĉi artikolo estas uzita traduko de teksto el la artikolo Moimenta da Beira en la portugala Vikipedio.