Muelejvalparko (Kiŝinevo)

El Vikipedio, la libera enciklopedio
Salti al navigilo Salti al serĉilo
La baraĵlago en Kiŝinevo ĉe grandega distra areo

Parko ĉe Muelejvalo (rumane Parcul Valea Morilor) estas vasta ripozumejo en Moldavio kun kvar alirejoj kaj grandeco de sume 102 hektaroj. Ĝi konsistas el artefarita lago (de 34 hektaroj) kun ĉeborda promenejo, plaĵoj, kaskado kun 218 ŝtupoj ktp. Apudas foira spaco MoldExpo kaj bela arboreto. La tuto troviĝas eoste de la historia urbocentro de Kiŝinevo kaj piede oni atingas tiun ĉi ĉarman lokon disde la parlamento ene de nur kvarona horo.

Historio[redakti | redakti fonton]

La kaskadoj post renovigoj en 2016

La tuto revenas al la tempo kiam Leonid Breĵnev lokale politikresponsis kiu volis krei abundan spacon distran por la junuloj. La ne tute tri kilometrajn longa promenejo havas multajn arbojn kaj la proksime estiĝantaj areoj ofertis kaj ofertas sufiĉe havigi i.a. sportajn kaj kulturajn lokojn. Ŝakludo liberaera praktikatis kaj scenejo kun kvin miloj da sidlokoj ankaŭ venigis enparken teatraĵojn kaj muzikajn spektaklojn. Ne forgesendas impona kaskado kun 218 ŝtupoj. Somere eblas troti, vintre patinadi.

En 1998 malfermitis moderna distrigejo Aventura Park. Inter 2007 kaj 2012 la lago ne ekzistas pro akvopurigaj kialoj. Modernigideoj multas kaj parte jam realigitis.

MoldExpo[redakti | redakti fonton]

Proksime en la oriento situas la foira areo MoldExpo kies originoj estis foiro agrikultura (Expoziția Agricolă Republicană Permanentă). Ĉiujare kunvenas spertuloj kaj interesatuloj por ĝui po 20 okazigojn internaciajn. La oktobroj estas rezervataj por vina kaj vinkultivada festo.

Arboreto[redakti | redakti fonton]

Dendrologia parko (rumane: Parcul Dendrariu) apudas tuj la menciitan baraĵlagon. Eniro tamen faratas de flanko pli fora de la urbocentro. La tuto estiĝis ekde 1950 sur 83 hektaroj kiel botanika ĝardeno kiun oni ŝanĝis en 1973 je arboreto. Admiratas surloke lagetoj, regionaj arbustoj, plantkultivejo, arbokultivejo, multaj ulnoj. Nordeoste troviĝas belega bedaro kun rozoj kiu ŝatatas kiel fotografia fono.

Aliaj gravaj verdaj zonoj estas - en la nordoriento de la urbo - Pădurea-parcul Butoiaș (70 hektaroj; alternativa nomo Parcul Mihai Eminescu) kaj Parcul La Izvor (150 hektaroj; ĝi estiĝis en 1972 kaj havas du insulojn kun eblo de remado) en la nordoriento de la urbo.

Eksteraj ligiloj[redakti | redakti fonton]