Northern Exposure
| Northern Exposure | |
|---|---|
| televida serio | |
| Originala titolo | Northern Exposure |
| Originala lingvo | angla lingvo |
| Origina lando | Usono |
| Ĝenro | komedia dramo, televida medicina dramserio |
| Aktoroj | John Corbett • Rob Morrow • Janine Turner • Barry Corbin • Darren E. Burrows • John Cullum • Doug Ballard • Richard Cummings Jr. |
| Muziko de | David Schwartz |
| Amplekso | |
| Sezonoj | 6 |
| Epizodoj | 110 |
| Daŭro sen reklamoj | 60 |
| Elsendo | |
| Elsendita | 12 jul. 1990 – 26 jul. 1995 |
| Eksteraj ligiloj | |
| ĉe IMDb | |
Norda Malkovro (angle Northern Exposure) estas usona televidserio, origine produktita por la usona CBS dum 1990 ĝis 1995, kiu estis tre sukcesa pro sia nekutima portretado kaj lakona humuro [1][2]. La scenejo por la serio estis la fikcia urbeto Cicely en Alasko. La ekstera filmado okazis ĉefe en la urbo Roslyn (Vaŝingtonio).
La intrigo de la serio temigas junan judan kuraciston de Novjorko, Joel Fleishman (rolita fare de Rob Morrow), kiu post diplomiĝo danke al ŝtata stipendio estas devigita translokiĝi al tiu malgranda kaj malproksima urbeto en Alasko, kaj liajn rilatojn kun la diversaj loĝantoj kaj specialaj aferoj en la urbo.
La serio gajnis tri Premiojn Emmy kaj du Premiojn Oraj Globoj, kune kun 22 aliaj premioj [3][4].
Intriga resumo[redakti | redakti fonton]
Fleischman, juna kuracisto el Novjorko kiu, por financi siajn studojn, entreprenis labori en Alasko, alvenas kontraŭ sia volo en la urbeton Cicely, kie li renkontas diversajn strangajn, amindajn kaj allogajn rolulojn.
La serio traktis filozofiajn temojn, literaturajn referencojn kaj menciojn de sociologiaj kaj psikologiaj temoj, same kiel referencon al juda identeco, indiana kulturo kaj nordamerika historio.
La serio estas karakterizita per la fakto ke ĝi permesas al la roluloj ne nur havi individuan rakonton sed ankaŭ personan evoluon. Kun la tempo, la ĝisosta novjorka-kuracisto kaj "grandurba neŭrozulo" transformas en personon kiu sendube trovas lokon en intima vilaĝa komunumo. La rakontoj foje postulis iom da imago de la spektanto; Ĉiam ekzistas sonĝsekvencoj kaj Ed estas akompanita en kelkaj epizodoj fare de "One Who Waits", indiano kiu antaŭ longe mortis. La fakto ke li estas nevidebla ne malhelpas iujn el la aliaj roluloj akcepti lian ĉeeston. En aliaj epizodoj, Ed estas akompanita de sia malgranda verda demono "manko de memfido" aŭ vidas rolulojn de la Fellini filmo Fellini's Roma.
Ĝenerale, bildo estas pentrita de malgranda kaj bizara komunumo, kies loĝantoj venas kun ĉiaj proprecoj kaj strangaĵoj. La senkontesta gvidanto en la urbo estas milionulo kaj iama astronaŭto Maurice Minnifield (Barry Corbin). Aliaj roluloj inkludas la belan piloton Maggie O'Connell (Janine Turner) kiu havas am-malaman rilaton kun Fleischmann, radiogastiganto Chris Stevens (John Corbett), kafejestro Holling Vincoeur (John Cullum) kaj lia juna koramikino, pli poste edzino, Shelly Tambo (Cynthia Geary), la naiva asistanto de Minnifield kun indiana fono Ed Chigliak (Darren E. Burrows) kaj la indiĝena akceptistino de Fleischmann Marilyn Whirlwind (Elaine Miles). La plej multaj el la roluloj en la serio prezentiĝas kiel specialaj tipoj, kaj kiel tia ĝi povas foje esti rememoriga pri Twin Peaks, kvankam ĝi ne estas preskaŭ tiel malgaja.
En la komenco, granda parto de la intrigo rondiris ĉirkaŭ la problemoj de Fleischmann kun kongruo en lokan medion en kiu li ne sentas sin komforta ĉiuokaze. Tamen, dum la serio progresas, la temoj iĝas pli kaj pli kompleksaj, kaj rondiras ĉirkaŭ pluraj el la ĉeffiguroj en la serio. Post la kvina sezono, Morrow forlasis la serion por okupiĝi pri Holivuda kariero. Li estis anstataŭigita per Phil Capra (Paul Provenza).
La serio estis fakte filmita en Roslyn, Vaŝingtonio, kaj ĉiujare la Mosfest-festivalo estas okazigita por adorantoj de la spektaklo en ĉi tiu urbo.
Referencoj[redakti | redakti fonton]
- ↑ Producing Northern Exposure el retejo por la libro Two Aspirins and a Comedy ((ISBN 1594511551))
- ↑ Review/Television; As Networks Go Rural, CBS Goes a Bit Further, artikolo de Aprilo 1991 en The New York Times
- ↑ Premioj por Northern Exposure el IMDb
- ↑ {{cite magazine|url=http://home.comcast.net/~mcnotes/TotalExposure.html%7Ctitle=Total Exposure|magazine=Entertainment Weekly|publisher=(via Moosechick Notes, a fansite)|date=26a de Julio 1991|access-date=21a de Julio 2009|author=Mark Harris & Kelli Pryor|quote=The loyalty the show excites even reached into network offices. "Of course it will be back next September," said one senior CBS executive long before the series was renewed. "My God, there are people here who would start a hanging party if it weren't." When CBS, thirsting for younger viewers, brought Exposure back this spring, it became a top 10 hit among the coveted audience of 18- to 49-year-olds. In the 10 p.m. Monday time slot following Designing Women, the show is drawing its best ratings ever. [1] arkivita la 21an de Majo 2009
Eksteraj ligiloj[redakti | redakti fonton]
- Norda Malkovro DVDoj Arkivigite je 2008-05-15 per la retarkivo Wayback Machine ĉe Universal Studioj
- Northern Exposure ĉe AllMovie (angle)
- Northern Exposure en Interreta filma datumbazo (angle)