Paul Händel
| Paul Händel | |
|---|---|
| Persona informo | |
| Naskiĝo | 14-an de decembro 1927 en Mannheim |
| Morto | 18-an de aprilo 2011 (83-jaraĝa) en Innsbruck |
| Lingvoj | germana |
| Ŝtataneco | Germanio Aŭstrio 
|
| Okupo | |
| Okupo | klasika filologo universitata instruisto
|
Paul HÄNDEL (naskiĝinta la 14-an de decembro 1927 en Mannheim, mortinta la 18-an de aprilo 2011 en Niederndorf apud Kitzbühel) estis germana kaj aŭstra filologo klasika.
Vivo
[redakti | redakti fonton]Paul Händel studis klasikan filologion ĉe la Universitato de Heidelberg kie li doktoriĝis en 1951 ĉe Otto Regenbogen per disertacio pri teknikoj epikaj de Apolono de Rodo (Beobachtungen zur epischen Technik des Apollonios Rhodios, Munkeno 1954). Por la jaro universitata 1952/53 li ricevis studvjaĝostipendion de la Germana Arkeologia Instituto. Ekde la vintra semestro 1956/57 li estis scienca helpanto ĉe la hajdelberga altlernejo, habilitiĝis en 1957 kaj nomumitis en 1963 eksterorda profesoro. Unu jaron poste li sekvis vokiĝon al Innsbruck kie li iĝis orda profesoro kaj restis ĝis emeritiĝo. Li katedrestris inter 1964 kaj 1993 estante posteulo de Wolf Steidle.
Händel aparte okupiĝis pri la literaturaj teknikoj de helenaj aŭtoroj. Disertacie li esploradis pri la helenisma verkisto Apolono de Rodo, habilitacie pri la komediskribanto Aristofano. Krome li ade verkis artikolojn por la enciklopediego de Pauly-Wissowa Realencyclopädie der classischen Altertumswissenschaft.
Literaturo
[redakti | redakti fonton]- Kürschners Deutscher Gelehrten-Kalender, eldono 2003, volumo 1, p. 1103.
Eksteraj ligiloj
[redakti | redakti fonton]- Informoj pri Paul Händel en katalogo de la Germana Nacia Biblioteko (germane)
- Mortanonoco lia (Tiroler Tageszeitung)