Peabody-muzeo de naturhistorio

El Vikipedio, la libera enciklopedio
(Alidirektita el Peabody-muzeo)
Saltu al: navigado, serĉo
La ekstero de la Peabody-muzeo de naturhistorio iom similas kristanan preĝejon

La Peabody-muzeo de naturhistorio - angle Peabody Museum of Natural History - en Universitato Yale estas inter la plej malnovaj, grandaj kaj plej konataj universitataj naturhistoriaj muzeoj en la mondo. Ĝi estis fondita de la filantropo kaj mecenato George Peabody en 1866 laŭ la peto de sia nevo, la paleontologo Otniel Charles Marsh. Plej konata de la publiko pro la Granda Halo de Dinosaŭroj, kiu inkluzivas grandegan modelon de la dinosaŭro Apatosaurus kaj la 34 metrojn longa murpentraĵo "la epoko de reptilioj"; ĝi ankaŭ havas daŭrajn ekspoziciojn dediĉitajn al la evoluoj de homoj kaj mamuloj evoluo, dioramoj pri faŭno, arkeologiaj trovaĵoj el antikva Egiptio kaj el la inkaa imperio, aparte el Maĉupikĉuo (kvankam interkonsentoj de inter 2007 kaj 2010 konfirmis ke iom post iom la inkaaj arkeologiaĵoj estos redonataj al Peruo), kaj ekspoziciojn pri la birdoj, mineraloj kaj indianoj de Konektikuto.

La muzeo situas en New Haven (Konektikuto) kaj havas preskaŭ centon da dungitoj.