Pleĥa lago

	Pleĥa lago; (Plekenštejnské jezero)
	ĉeĥe Plešné jezero, germane Plöckensteinsee
	glaĉera lago
	Pleĥa lago de monumento de Stifter
	Oficiala nomo: Plešné jezero
	Deveno de nomo: Plechý
Ŝtato	Ĉeĥio
Regiono	Sudbohemia regiono
Distrikto	Distrikto Prachatice
Municipo	Nová Pec
Montaro	Šumava
Situo	Pleĥa lago
- alteco	1 090 m s. m.
- koordinatoj	48° 46′ 35″ N 13° 51′ 55″ O / 48.77639 °N, 13.86528 °O (mapo)
Bordo	1 242 m
Maks. profundo	18,3 m
Volumeno	617 000,0 m3 (21 789 149 cu ft)
Katastro	7,48 km² (748 ha) Nová Pec
Horzono	MET (UTC+1)
- somera tempo	MET (UTC+2)
Tipo	glaĉera lago
	Situo enkadre de Ĉeĥio Situo enkadre de Ĉeĥio
	Vikimedia Komunejo: Plešné jezero
	Portalo pri Ĉeĥio

Koordinatoj: 48° 46′ 35″ N 13° 51′ 55″ O / 48.77639 °N, 13.86528 °O (mapo)

Pleĥa lago (ĉeĥe Plešné jezero, antaŭe Plekenštejnské jezero, germane Plöckensteinsee aŭ Plöckensteiner See) estas glaĉera lago en Šumava en Sudbohemia regiono en Ĉeĥio. Ĝi situas en supermara alteco 1090 m, ĝi havas areon 7,48 ha, cirkviton 1242 m kaj la plej grandan profundon 18,30 m. La volumenon de la retenata akvo prezentas 617 000 m³.

Bordoj

Vido al la lago sur pentraĵo el la 19-a jarcento

La morena digo estas alta 30–40 m, ŝtona maro descendas ĝis 150 m sub la lagon. La glaĉera valkaldrono (cirko) estas enprofundigita en la nordorientan deklivon de la plej alta monto sur la ĉeĥa flanko de Šumava Plechý. La krutaj muroj de la valkaldrono kun nudigitaj rokoj kaj rubaj fluoj atingas preskaŭ al ĝia pinto. La laga muro estas alta 260 m. Pri la profundogo de la cirko zorgis dekliva glaĉero, unu el dek unu, kiuj en Šumava ekzistis en la tempo de kvaternaro. Ĝi atingis larĝecon preskaŭ 1 km kaj ĝi estis el ĉiuj la plej larĝa. Post ties cedo restis sur rando de la cirko frunta moreno el grandegaj ŝtonegoj, kiu kreis la naturan digon.

Aliro

La lago estas alirebla dum la tuta jaro.

Verda turisma marko el Nová Pec – 7 km.^[1]
Ruĝa turisma marko kaj flava turisma marko el Přední Zvonková – 19 km.^[2]
Ruĝa turisma marko kaj flava turisma marko el Nové Údolí – 16,5 km.^[2]
- eventuale en kombino kun instrupado Zážitková NS Duch pralesa – 16,1 km.^[2]
Flava turisma marko^[3], blua turisma marko kaj verda turisma marko el Černý Kříž – 13 km.^[4]^[5]
Biciklovojo n-ro 1029 el Stožec (13 km)^[6]