Protesta kanto

El Vikipedio, la libera enciklopedio
Salti al navigilo Salti al serĉilo
John Lennon ekzercante la kontraŭ-Vjetnaman militon himnon "Give Peace a Chance" Donu ŝancon al la paco (1969)

Protestaj kantoj traktas tre vastan gamon de temoj, de personaj problemoj ĝis tutmondaj problemoj. Inter la temoj, pri kiuj estis verkitaj protestkantoj, troviĝas sklaveco, civitanrajtoj, egalrajtigoj, militoj kaj okupado, medio kaj pli.

La kanto, la kanzono aŭ la muziko, konata kiel ribelema aŭ kvalifikita kiel protestanta, engaĝita aŭ revoluciema estas muzika ĝenro, kies vortumaj temoj estas asociitaj kun tuja deziro al socia aŭ politika ŝanĝo. Kelkaj popularaj kantoj rilatas al ĝi. La muzika ĝenro varias inter folko, repo, punko, aŭ pop-muziko. Internaciaj artistoj aŭ grupoj partoprenas en tiu medio kiel Gilles Servat en Francio, Bob Dylan, Joan Baez, Tracy ChapmanRage Against the Machine en Usono, The Clash en Britio, Bob Marley en Jamajko, Fela Kuti en Niĝerio, aŭ Silvio Rodríguez en Kubo.

Dum la historio de protestmovadoj protestkantoj akompanis iliajn agadojn, multaj movadoj eĉ havis diversajn kantojn identigitajn kun ili. La plej malnova registrita eŭropa protestkanto, The Cutty Wren, akompanis la kamparanan ribelon en Anglio en 1381.

En 20-ajarcenta Britio, la tradicio de politikaj protestkantoj estis renovigita en 1958, kiam la kampanjo por nuklea senarmigado organizis 53-kilometran marŝon de Placo Trafalgar ĝis Aldermaston en protesto kontraŭ la partopreno de Britio en la nuklea armilaro kaj atomtestoj. La protesta marŝo instigis junajn muzikistojn verki novajn kantojn en subteno de la manifestacianoj, kelkajn originalajn kaj kelkajn popolkantojn kun protesta teksto alkroĉitaj al ili.

En la unua jardeko de la 21-a jarcento, protestkantoj komencis aperi en sociaj retejoj. Pro la larĝa distribuado de retoj, la kantoj povas esti tre influaj.