Rokoj Adršpach-Teplice

	Rokoj Adršpach-Teplice
	ĉeĥe: Adršpašsko-teplické skály, germane: Adersbach-Weckelsdorfer; Felsenstadt
	Nacia natura rezervejo
	Urbestro kaj Urbestrino en la rokoj Adrŝpaĥ-Teplice
	Oficiala nomo: Adršpašsko-teplické skály
Ŝtato	Ĉeĥio
Regiono	Hradec Králové
Distriktoj	Náchod, Trutnov
Historia regiono	Bohemio
Parto de	Broumova montetaro
Urboj	Adršpach, Teplice nad Metují, Jívka
Situo	Rokoj Adršpach-Teplice
- koordinatoj	50° 36′ 41″ N 16° 06′ 54″ O / 50.61139 °N, 16.11500 °O (mapo)
Plej alta punkto
- alteco	786 m s. m.
Plej malalta punkto
- alteco	480 m s. m.
Areo	17,12 km² (1 712 ha)
Establita	31-a de decembro 1933
Horzono	MET (UTC+1)
- somera tempo	MET (UTC+2)
	Situo enkadre de Čeĥio Situo enkadre de Čeĥio
	Vikimedia Komunejo: Adršpašsko-teplické skály
	Retpaĝo: www.skalyadrspach.cz

Koordinatoj: 50° 36′ 41″ N 16° 06′ 54″ O / 50.61139 °N, 16.11500 °O (mapo)

Rokoj Adršpach-Teplice

Adršpašsko-teplické skály (Rokoj Adrŝpaĥ-Teplice) (ĉeĥe: Adršpašsko-teplické skály, germane: Adersbach-Weckelsdorfer Felsenstadt) estas ampleksaj rokurboj en nordorienta Bohemio, proksimume 15 km de urbo Trutnov. La plej alta punkto estas rokoza montopinto Čáp (Cikonio) (786 m), donanta dankeman panoramon al la ĉirkaŭaĵo. Nivelo de ceteraj montopintoj de la grejsrokoj moviĝas inter 600 – 700 m s. m., te. proksimume je 200 – 300 m super surfaco de ceteraj grejsaj plataĵoj en Ĉeĥio. La teritorio havas tre buntan reliefon estiĝinta per erozie denudigaj procezoj en tektone krevigita tabulo de ŝtonblokaj grejsoj de turonia aĝo (proksimume 90 milionoj da jaroj). Temas pri la plej ampleksa komplekso de rokurboj en Bohemio kun eksterordinare dense dislokigitaj rokturoj, ravinoj, mallarĝaj trairejoj, „stratoj“ kaj „placoj“, rokmuroj ktp. La naturfortoj modeligis el la grejsoj la plej diversajn strangajn formojn, kiujn la homa fantazio nomigis romantike. En Rokoj ĉe Adrŝpaĥ tio estas ekz. Geamantoj, Kruĉo, Urbestro kaj Urbestrino, Sukerkonuso, Dento de Krakonoš ks. Per amplekso malpli grandaj kaj eble pli ĉarmaj Rokoj ĉe Adršpach ŝanĝiĝas en sudo neokulfrape en pli ampleksajn kaj videble pli egajn Rokojn ĉe Teplice, kiujn apartigas preskaŭ 4 km longa Lupa interkrutejo. Tra ties supra parto trafluas rivero Metuje, en kiu estis konstruita malgranda Adršpach-lageto. Turistoj lasas sin veturigi en ĝi per pramo. Ili povas ĉi tie ankaŭ admiri la tn. Grandan akvofalon, tra kiu ili impetas je ordono de pramisto el alteco 16 m. Alia lageto estiĝis pro inundigo de eksa sablominejo. Burgoruino de rokburgo Adršpach sur montetpinto de Starozámecký vrch (Malnovkastela monteto) (681 m), kiu estas lokigita proksimume 800 m de hotelo Pod Hradem (Sub Burgo) en vilaĝo Dolní Adršpach, donos al ni panoramon al grandaj partoj de Rokoj ĉe Adršpach.

Rokoj ĉe Teplice estas karakterizaj per pli granda masiveco de la rokformacioj, en kiuj dominas ekz. Hakilo de Viandisto, Gardturo, Rokpordego, Krono, longa, larĝa kaj pli ol 50 m alta Muro de Martin. Krom la jam menciita montopinto Cikonio ankaŭ burgoruino de burgo Střmen el la 14-a jarcento, troviĝanta 2,5 km de urbeto Teplice nad Metují, kaj karakteriza rokformacio Lokomotivo, kiu estas 2 km de Teplice nad Metují donas al ni panoramon de supre.

La teritorio de Rokoj ĉe Adršpach-Teplice estas arbarkovrita precipe de piceaj arbaroj, sed montriĝas ĉi tie tipa ŝanĝo de vegetaĵaj gradoj (te. malvarmamaj specioj de kreskaĵaro kaj animaloj en ravinoj, varamaj specioj sur montopintoj), do diversloke sur la rokoj konserviĝis restaĵoj de varmamaj pinarbaroj, en malpli altaj situoj estas miksitaj fagoj. Interesa estas troviĝo de gufo, diversaj rabobirdoj, cikonio, korvo, kolibro ka.

La priskribata teritorio apartenas al tre vizitataj turismaj celoj. Ne nur en Ĉeĥio, sed en la tuta Eŭropo ni trovos nur malmulton de tiel pentrindaj pejzaĝoj, kie preskaŭ malantaŭ ĉiu padkurbiĝo atendas turiston ia surpriga scenerio. Ankaŭ ĉeesto de vico da fontoj kaj rojoj kun kristalpura akvo plialtigas la ĉarmon de ambaŭ rokurboj. Kiu eluzos bone markitajn turismajn vojojn kaj multnombrajn informtabulojn, tiu ne bezonas timi pro vojerariĝo. Loĝi kaj manĝi eblas en vico da hoteloj kaj en pli malgrandaj pensionoj en Teplice nad Metují, en Dolní Adršpach kaj en la ĉirkaŭaj vilaĝoj.

Eksteraj ligiloj

Adršpach Arkivigite je 2009-08-28 per la retarkivo Wayback Machine
Rokoj ĉe Adrŝpaĥ-Teplice - virtual show

Vidu ankaŭ

Pluaj fotoj

Aviadila vido de la rokoj
Aviadila vido al lago Pískovna
Pordeto, kiu pasaperos en filmo The Chronicles of Narnia: The Lion, the Witch and the Wardrobe
Granda akvofalo de Adršpach

Rokformacioj

Rokoj Adršpach

Geamantoj
Urbestro kaj urbestrino
Sukerpano

Rokoj Teplice

Roka templo
Martinaj muroj