Adršpach

	Adršpach
	germane Adersbach
	municipo
	Kastelo Adršpach
Flago	Blazono
	Oficiala nomo: Adršpach
Ŝtato	Ĉeĥio
Regiono	Regiono Hradec Králové
Distrikto	Distrikto Náchod
Administra municipo	Teplice nad Metují
Historiaj regionoj	Bohemio, Sudetio
Montaro	Broumova montetaro
Memorindaĵoj	Adršpach kastelo, Adršpach burgo
Rojo	Adršpašský potok
Situo	Adršpach
- alteco	554 m s. m.
- koordinatoj	50° 37′ 07″ N 16° 06′ 31″ O / 50.61861 °N, 16.10861 °O (mapo)
Areo	19,71 km² (1 971 ha)
Loĝantaro	495 (2023)
Denseco	25,11 loĝ./km²
Rokaro	Rokoj Adršpach-Teplice
Unua skribmencio	1348
Horzono	MET (UTC+1)
- somera tempo	MET (UTC+2)
Poŝtkodo	549 06
NUTS 3	CZ052
NUTS 4	CZ0523
NUTS 5	CZ0523 547786
Katastraj teritorioj	2
Partoj de municipo	2
Bazaj setlejunuoj	2
	Situo enkadre de Ĉeĥio Situo enkadre de Ĉeĥio
	Vikimedia Komunejo: Adršpach
	Retpaĝo: www.adrespach.cz
	Portalo pri Ĉeĥio

Koordinatoj: 50° 37′ 07″ N 16° 06′ 31″ O / 50.61861 °N, 16.10861 °O (mapo)

Adršpach (germane Adersbach) estas municipo kaj burgoruino en kabo de Rokoj ĉe Adršpach-Teplice, situanta 2 km de vilaĝo Dolní Adršpach en Ĉeĥio. Vivas ĉi tie 495 loĝantoj (2023).

La najbaraj municipoj de la setlejo estas Teplice nad Metují, Jívka kaj Chvaleč.

Historio[redakti | redakti fonton]

Sur rokoza plataĵo de Starozámecký vrch (Malnovkastela monteto) estis verŝajne fine de la 13-a jarcento konstruita reĝa burgo. En suda kaj okcidenta partoj ŝirmis la sidejon duspecaj remparoj kun fosaĵo, la ceteraj partoj havis naturan ŝirmon en perpendikle falantaj rokoblokoj. Al antaŭburgejo, kie staris mastrum-konstruaĵoj, ligis du memstaraj burgetoj. En la orienta burgeto sur la memstara rokobloko staris palaco. La burgo estis post la jaro 1427 konkerita de táboranoj, kiuj de tie entreprenis atakojn en najbaran Silezion. Ĉar la atakoj daŭrigis eĉ pli malfrue, silezianoj en la jaro 1447 aĉetis la burgon kaj ruinigis ĝin tiel perfekte, ke ĝi jam ne plu estis renovigita. Nur fundamentoj de la mastrum-konstruaĵoj kaj restaĵoj de keloj kun volboj konserviĝis. De la burgo eblas rigardi al Rokoj ĉe Adršpach-Teplice, al la ĉirkaŭaĵon de urbo Broumov kaj al montaro Krkonoše (Gigantmontaro).