Rubandoturdo
 | ||||||||||||||
|---|---|---|---|---|---|---|---|---|---|---|---|---|---|---|
 Masklo T. t. torquatus en Hispanio
 Ino T. t. torquatus en Hispanio | ||||||||||||||
| Biologia klasado | ||||||||||||||
| ||||||||||||||
| Turdus torquatus Linnaeus, C, 1758 | ||||||||||||||
| Konserva statuso | ||||||||||||||
 Natura arealo
| ||||||||||||||
Subspecioj | ||||||||||||||
|
3 subspecioj, vidu tekston. | ||||||||||||||
Aliaj Vikimediaj projektoj | ||||||||||||||
La Rubandoturdo[mankas fonto] aŭ kolringa turdo[1] (latine Turdus torquatus) estas birdospecio el la familio de turdedoj. Ĝi troviĝas en Eŭropo, Nord-Afriko kaj Mezoriento.
Ĝi estas la montara ekvivalento de la tre rilata nigra turdo.
Taksonomio
[redakti | redakti fonton]Laŭ AviList[2], jen ĉi-sube la listo de la akceptitaj taksonoj por tiu specio, kaj ties Esperantaj nomoj[1]:
- Passeriformes - paseroformaj
- Turdidae - turdedoj
- Turdus Linnaeus, C, 1758 - turdo
- Turdus torquatus Linnaeus, C, 1758 - kolringa turdo
- Turdus torquatus torquatus Linnaeus, C, 1758
- Turdus torquatus alpestris (Brehm, CL, 1831)
- Turdus torquatus amicorum Hartert, EJO, 1923
- Turdus torquatus Linnaeus, C, 1758 - kolringa turdo
- Turdus Linnaeus, C, 1758 - turdo
- Turdidae - turdedoj
Tiu palearktisa specio estis unuafoje priskribita de Linnaeus en sia verko Systema naturae en 1758 laŭ sia ankoraŭ nuna scienca nomo.[3]
Etimologio
[redakti | redakti fonton]La scienca genra nomo Turdus venas el latino kaj signigas "turdo". La scienca specia epiteto venas el la latina termino torquatus kaj signifas "kiu portas kolringon". Tio aludas la rimarkindan larĝan blankan lunarkon ĉe la supra parto de la brusto ĉe ambaŭ seksoj, kaj pluestas ĉe la komunlingvaj nomoj en la plimulto de la naciaj lingvoj kaj en Esperanto[4].
Priskribo
[redakti | redakti fonton]La Rubandoturdo estas ĉiomanĝanta, kaj nutras sin el ampleksa vario de insektoj, tervermoj, ronĝuloj, lacertoj kaj beroj. Ili nestumas en arbustoj aŭ inter rokoj, kie la ino demetas kelkajn palbluajn ovojn, kiuj estas makulitaj el bruna koloro, en simpla tasforma nesto.
Ĝi estas teritoria kaj kutime estas vidata ĉu sola ĉu pare, kvankam ili povas formi izolitajn arojn dum migrado. Kiam ili ne estas reproduktantaj, ankaŭ kelkaj birdoj povas asociiĝi en taŭgaj manĝareoj, kiaj fruktarbo, ofte kun aliaj turdoj. Ili vivas ĝis 8 jarojn.
La maskla plenkreskulo estas tute nigra escepte pro tre kontrasta blanka duonluno ĉe brusto kaj flaveca beko, anstataŭ flavoranĝa. La flugiloj havas arĝentecan aspekton pro blankaj plumobordoj. Ĝenerale tiu specio estas ne tiom nigra kiom merloj, ĉefe en subaj partoj kiuj aspektas pli ardeznigraj kaj skvamecaj. Temas pri birdo 23 al 24 cm longa kun enverguro de 38 al 42 cm kaj pezo de 90 al 130 g.
La masklo kantas sian laŭtan kaj plendeman kanton el arboj aŭ rokoj.
La ino estas simila, sed pli senkolora, kaj junuloj ofte ne havas la brustan duonlunon. Junuloj havas brunajn plumarojn.
Ili reproduktiĝas en la plej altaj regionoj de okcidenta kaj centra Eŭropo kaj ankaŭ en Kaŭkazo. Plej parto de populacioj estas migrantaj, kiu vintras en la regiono de Mediteraneo. Ili reproduktiĝas en ravinoj, rokaj areoj aŭ ŝtonaj deklivoj.
Referencoj
[redakti | redakti fonton]- 1 2 Ornitologia taksonomio
- ↑ AviList v2025, konsultita la 24-an de dec. 2025
- ↑ Linnaeus, C. (1758) Systema naturae per regna tria naturae, secundum classes, ordines, genera, species, cum characteribus, differentiis, synonymis, locis. Tomus I. Editio decima, reformata.. Holmiae. (Laurentii Salvii)., p. 169. “T. nigricans, torque albo, rostro fiavescente.”.
- ↑ Birds of the World, Ring Ouzel
- BirdLife International (2004). Turdus torquatus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej zorgiga
- Clement kaj Hathaway, Thrushes ISBN 0-7136-3940-7
- En la franca pri tiu specio
Vidu ankaŭ
[redakti | redakti fonton]
| ||||||||||||||||||