Rumonge
| Rumonge | |||
|---|---|---|---|
setlejo  vd
| |||
| Administrado | |||
| Demografio | |||
| Loĝantaro | 35 931 (2008) [+] | ||
| Geografio | |||
| Geografia situo | 3° 58′ S, 29° 26′ O (mapo)-3.96666729.433333Koordinatoj: 3° 58′ S, 29° 26′ O (mapo) [+] | ||
| Alto | 790 m [+] | ||
| Horzono | UTC+02:00 [+] | ||
| |||
|
| |||
| Alia projekto | |||
 Vikimedia Komunejo Rumonge [+]
| |||
Rumonge estas urbo en la sudo de Burundo. Ĝi estas je 72 km de la iama ĉefurbo Bujumbura. Ĝis la 25-a de marto 2015 la urbo apartenis al la provinco Bururi, kaj tiam iĝis ĉefurbo de nova provinco Rumonge. Rumonge situas en la sud-oriento de Burundo, ĉe la limo de Burundo, Kongo kaj Tanzanio, kaj pro tio en Rumonge troviĝas multaj personoj el Kongo, kaj Tanzanio. Ĝi estas apud lago Tanganjiko. Rumonge havas ĉirkaŭ 150 000 loĝantojn kaj el ili ĉirkaŭ 300 lernas Esperanton.
Rumonge havas jenajn koordinatojn:
latitudo: 3° 58' 20 Suda (= -3.9722) longitudo: 29° 26' 20 Orienta (= 29.4389) alteco: 809 m super marnivelo
Religio
[redakti | redakti fonton]En la urbocentro de Rumonge, loĝantoj estas plejparte kristanoj (katolikoj kaj protestantoj) kaj kelkaj islamanoj.
Ekonomio
[redakti | redakti fonton]Rumonge estas ekonomia regiono de Burundo pro la lago Tanganjiko kaj ĝia produkta tero. La lago fortigas Rumonge ekonomie, ĉar oni praktikas fiŝkaptadon, kaj kaptitajn fiŝojn oni vendas en diversaj regionoj de Burundo. Oni kultivas maniokon, kiu estas la ĉefa manĝaĵo en Rumonge kaj en regiono, kie oni parolas la svahilan lingvon.
Oni kultivas ankaŭ palmojn, kaj tiu planto ege kontribuas en la ekonomio de Rumonge. Pri la bredado, en Rumonge estas multaj bestoj. En la urbocentro oni bredas kokojn, anasojn, kaprojn, ŝafojn, bovojn, kolombojn. En tiu loko ne estas porkoj kaj hundoj ĉar islamanoj ne ŝatas tiajn bestojn.
Turismo
[redakti | redakti fonton]Rumonge estas turisma regiono. En Rumonge estas multaj plaĝoj, belaj pejzaĝoj, belaj montoj, hoteloj kaj ili igas Rumonge ŝatinda. Pri la plaĝoj en Rumonge, ni povas citi SAGA RESH (kiu situas ĉe la bordo de la lago Tanganyika), la plej bona kaj bela plaĝo en Burundo.
Ĝi havis belgan kolonian periodon, kaj post la memstariĝo, burundanoj zorgis pri ĝi. Ĝi estas granda kun grandaj, belaj kaj blankaj domoj. Ĝia akvo estas ĉiam pura, kaj turistoj, ĉefurbanoj kaj aliaj personoj el diversaj regionoj de Burundo iras tien semajnfine kaj ĝuas la bonan venton de Tanganyika, la naĝadon, muzikon, sunumadon. Aliaj plaĝoj ne estas grandaj, sed bonaj kaj ŝatindaj ĉar ili situas apud lago Tanganyika, kaj tiu lago havas bonan venton kaj belan akvon.
Pri la pejzaĝoj, Rumonge estas la plej bela regiono en Burundo, kiu havas belajn pejzaĝojn. La verdaĵo estas ĉiam bona kaj rigardinda. La palmoj donas al ĝi bonan aspekton. La montetoj kaj riveretoj ĉirkaŭas ĝin kaj tio beligas Rumonge.
La granda, bela hotelo de la suda parto de Burundo estas en Rumonge. ĝi estas konstruita laŭ eŭropstilo kun multaj ĉambroj. Multaj turistoj el diversaj landoj loĝas en tiu hotelo. Estas ankaŭ aliaj hoteletoj.
La lago Tanganjiko en orienta Afriko, longa 644 km, larĝa 72 km kaj granda 32 900 kvadratajn kilometrojn, troviĝas sur 773 m de alteco super la marnivelo. La plej profunda en Afriko kaj la dua post Bajkalo en la mondo. ĝia profundo iras ĝis 1470 m. Tra la lago trafikas ŝipoj. ĝi estas potenciala hidroelektra forto, se oni realigos tiun eblecon.
En ĝi vivas la konataj fiŝoj- cikloidoj kaj krokodiloj. Tie oni trovas tre diversajn birdojn kiuj nutras sin per algoj, kiuj grandkvante kreskas pro la pluvegoj. Krokodiloj 20-jaraĝaj longas je 2,5 metroj sed ili povas vivi ĝis 100 jaroj se ili longas 5 metrojn. La rozkoloraj flamingoj manĝas nur la malhelverdajn algojn. Tio donas al ili tiun belan koloron. En maraj regionoj vivas la hipopotamoj, maraj antilopoj. En la lagĉoj oftas ankaŭ la elektraj siluroj. En tiuj regionoj de la agoj vivas ankaŭ specialaj sovaĝaj meleagroj.
Bujumbura, la ĉefurbo de Burundo, estas apud la lago Tanganjika kaj ankaŭ la urbo Rumonge 75 km. pli sude laŭas la bordon de la lago.
Esperanto en Rumonge
[redakti | redakti fonton]Rumonge estas Esperanta regiono de Burundo. Tie ĉiuj loĝantoj jam estas informitaj pri Esperanto kaj multaj lernas ĝin (200 en la centro de la urbo kaj 250 en ĉirkaŭaj regionoj de la urbocentro).
Esperantistoj de Rumonge iras tra la teritorio de Burundo por instrui Esperanton. Danke al la nacia asocio (ANEB, fondita pasintjare de gravaj esperantistoj kiel Japhet Ntunzwenimana, Jérémie Sabiyumva, Asumani Sadi), kiu helpas en la disvastigado de la lingvo. Ŝtatfunkciuloj nun lernas Esperanton kaj tio estas granda sukceso por esperantistoj kaj evoluo de Esperanto, ĉar ili helpos la movadon finance. En Rumonge oni instruas Esperanton en multaj liceoj post la studhoroj, kaj esperantistoj planas starigi esperantan lernejon baldaŭ. Nun ĉirkaŭ 100 infanoj lernas Esperanton.
La 17-an de aprilo 2011 Mireille Grosjean el Svislando, prezidanto de Internacia Ekzamena Komisiono atingis la urbon Rumonge post restado en Buĵumburo. Ŝi donis 5-tagan kurson en Rumonge al 45 gestudentoj. Poste okazis tie Internaciaj Ekzamenoj de ILEI UEA dum 3 tagoj.
Naciaj Esperanto-kongresoj
[redakti | redakti fonton]En Rumonge la 7−an ĝis la 11−an de aŭgusto 2006 okazis la 1-a nacia kongreso de Esperanto en Burundo.[1]
Inter la 10-a kaj la 12-a de julio 2009 en Rumonge okazis la 2-a nacia kongreso de Esperanto en Burundo, kiun partoprenis 98 esperantistoj el 8 provincoj.[2]
Esperanto-centro
[redakti | redakti fonton]En la 2-a nacia kongreso de Esperanto en Burundo, okazinta en julio 2009, oni aprobis la decidon organizi Esperanto-centron en Rumonge.[3] Tiu ĉi centro devos kombini bibliotekon, publikan komputilejon kaj loĝoĉambron por turistoj (kiel la fonto de enspezoj). Ĝia konstruado kostos ĉirkaŭ 20 000 eŭrojn. Por tiu celo (kaj ne nur) estis establita fondaĵo «Esperanto en Evoluo», kies volokupo estas «financa subtenado de profitodonaj projektoj en malriĉaj landoj, kiuj celas doni bezonatan financan bazon al la tiea Esperanto-movado».[4]
La 27-an de novembro 2010 aperis la informo, ke per la subteno de la fondaĵo «Esperanto en Evoluo», ANEB aĉetis terenon en kvartalo Kanyenko por konstrui la esperanto-centron.[5]
Esperantistoj
[redakti | redakti fonton]Vidu ankaŭ
[redakti | redakti fonton]Kategorio Esperanto-urboj en Vikivojaĝo
Eksteraj ligiloj
[redakti | redakti fonton]Novaĵoj pri Rumonge en retgazetaro Nia Mondo
Novaĵoj pri Esperanto-centro de Rumonge en retgazetaro Nia Mondo
Referencoj
[redakti | redakti fonton]- ↑ Raporto pri la unua Esperanto−kongreso en Burundo[rompita ligilo] esperante
- ↑ Gilbert NIYUKURI. Dua nacia kongreso de Esperanto en Burundo: Kompareto kun la jam okazintaj aranĝoj esperante
- ↑ Raporto pri la dua nacia kongreso de Esperanto en Burundo esperante
- ↑ Esperanto en Evoluo Arkivigite je 2014-05-17 per la retarkivo Wayback Machine esperante
- ↑ La burunda landa asocio aĉetis terpecon en Rumonge Arkivigite je 2014-05-17 per la retarkivo Wayback Machine esperante
