Ryszard Bonisławski
Ryszard Bonisławski | |||||
---|---|---|---|---|---|
Persona informo | |||||
Naskiĝo | l 4-a de junio 1947 en Łódź / Lodzo | ||||
Lingvoj | pola vd | ||||
Ŝtataneco | Pollando vd | ||||
Alma mater | University of Łódź vd | ||||
Partio | Civitana Platformo | ||||
Profesio | |||||
Okupo | lingvisto • regional writer • loka politikisto • publikigisto vd | ||||
Laborkampo | gvidlibro vd | ||||
| |||||
Dum | 8-a de novembro 2011 – | ||||
vd | Fonto: Vikidatumoj | ||||
Ryszard Wiesław BONISłAWSKI [RIŝard VJEsŭav BonisŭAVski] (naskiĝis la 4-an de junio 1947 en Łódź / Lodzo) estas pola filologo, de la jaro 1992 la direktoro de Vojevodia Centro de Turisma Informo en Lodzo (nun: Centro de la Turisma Informo en Lodzo ĉe la Lodza Urba Oficejo), de 1999 prezidanto de la Amik-Societo de Lodzo, li estas ankaŭ la ĉiĉerono en Lodzo kaj en la lodza regiono. Senatano de Pola Senato de la 8-a oficperiodo kaj simpatianto de Esperanto.
Biografio[redakti | redakti fonton]
De multaj jaroj li okupiĝas pri promociado kaj priskribo de la historio kaj fabrika tradicio de la urbo Lodzo. De la jaro 1994 li gvidas la Film-eniklopedion de Lodzo en Pola Televido de Lodzo (TVP Łódź). Li estas aŭtoro kaj kunaŭtoro de dekkelkaj libroj kaj gvidlibroj kaj redaktoro de la signita sub lia nomo la rubriko pri historiaj vidindaĵoj de Lodzo kaj ĉirkaŭaĵo en la monata magazino "Kalejdoskop" ("Kalejdoskopo") eldonata de Lodza Kultur-domo.
En la jaroj 1999 – 2004 li estis ano de pola partio Unio de Libereco. De la jaro 1998 ĝis 2002 li estis konsilanto en la Vojevodia Sejmeto (la loka parlamento) de la supre menciita partio. Dum la polaj parlamentaj balotoj en la jaro 2001 sensukcese strebis akiri mandaton de senatano malgraŭ apogo de la partio Unio de Libereco - akiris la 4a-n lokon kun 69,4 miloj da balotvoĉoj. En la jaro 2010 li estinte kandidato de la partio Civitana Platformo al la Lodza Sejmeto sukcese fariĝis la ano de la loka parlamento[1]. Dum la polaj parlamentaj balotoj en la jaro 2011 li estis elektita senatano de Pola Senato de la 8-a oficperiodo estinte la kandidato de Civitana Platformo. [2].
En la jaro 2005 li ricevis dekrete de Prezidento de Pollando Aleksander Kwaśniewski la ŝtatan ordenon - la Kavaliran Krucon de la Ordeno de Renaskiĝo de Pollando.
Ryszard Bonisławski kaj Esperanto[redakti | redakti fonton]
La 28-an de junio 2013 dum la 33-a Pola Esperanto-Kongreso la senatano prelegis pri Julian Tuwim kiu estis la lodza poeto kaj la pioniro de la lingvo Esperanto en la lodza medio, ni aldonu ke Tuwim debutis unue kiel Esperanto-poeto kaj post kelkaj jaroj debutis kiel pola poeto (vidu la suban foton de la benketo kun bronza statuo de esperantisto Julian Tuwim en Lodzo). La 22-an de julio 2013 la senatano akceptis en sia senatana oficejo en Lodzo la esperantistinon Daniela Gizela Matray kiu estas la proparolanto de Pola Asocio Eŭropo - Demokratio - Esperanto (EDE-PL) kaj li promesis aliĝi al pola Parlamenta Grupo Apoganta Esperanton (PGAE).
Elektitaj publikaĵoj[redakti | redakti fonton]
- Sur la itinero de la aŭtoro de "Kamparanoj" (1973)
- La lodzaj adresoj de Julian Tuwim (1995, ISBN 8390349108) (vidu la apudan foton de la benketo kun bronza statuo de esperantisto Julian Tuwim en Lodzo)
- Lodzo / Łódź sur la malnovaj bildkartoj (prilaboro, 1998, ISBN 8387735019)
- La magiaj lokoj: Lodzo / Łódź (red., 1998, ISBN 8387735000)
- Lodzo / Łódź. Gvidlibro. Historio, vizitado, kulturo, utilaj informoj (kunaŭtoro, 2001, ISBN 8387735256)
- Lodzo / Łódź. Koloroj de la urbo (kunaŭtoro, 2001, ISBN 8391084213)
- Lodza Vojevodio. Ĉiam sur via itinero. Informilo por turisto (prilaboro, 2001, ISBN 8391456323)
- Lodzo / Łódź en la rememoraĵoj (2002, ISBN 8391084248)
- La lodzaj judaĵoj sur la malnovaj bildkartoj (kunaŭtoro, 2002, ISBN 8388742019)
- Lodzo / Łódź. La turisma informilo (kunaŭtoro, 2004, ISBN 8392087100)
- La pasinta tempo ĉiam aktualas. Vagado. Historio, rememoroj, dokumentoj (redaktado de la komuna verko, 2004, ISBN 8390910527)
- Lodzo / Łódź: la urbo en la koro de Eŭropo (2005, ISBN 8391084299)
- La lodzaj germanoj (kunaŭtoro, 2005, ISBN 839193294X)
- Lodzo / Łódź – la portreto de la urbo (red., 2006, ISBN 8392435605)
- La parko omaĝe al p-ro episkopo Michał Klepacz (legu: Mikaelo Klepaĉ) (kunaŭtoro, 2006, ISBN 9788392403104)
- La ĝardenoj de Princa Muelejo (kunaŭtoro, 2008, ISBN 9788392403128)
- La lodzaj indaj promenejoj (kunaŭtoro, 2008, ISBN 9788375522044)
- La libro pri lodzaj fabrikoj (kunaŭtoro, 2010, ISBN 9788392766674)
Notoj[redakti | redakti fonton]
- ↑ http://wybory2010.pkw.gov.pl/geo/pl/100000/100000.html#tabs-6 Serwis PKW – Wybory 2010, 13 października 2011
- ↑ http://wybory2011.pkw.gov.pl/wsw/pl/snt-24.html Serwis PKW – Wybory 2011, 13 października 2011