Simonetta Agnello Hornby

El Vikipedio, la libera enciklopedio
Salti al navigilo Salti al serĉilo
Simonetta Agnello Hornby
Simonetta Agnello Hornby - Festivaletteratura 2012.JPG
Persona informo
Naskiĝo 1-an de januaro 1945 (1945-01-01) (74-jara)
en Palermo
Lingvoj itala lingvo [#]
Ŝtataneco ItalioUnuiĝinta Reĝlando [#]
Alma mater Universitato de Palermo [#]
Profesio
Profesio verkisto [#]
Honorigoj Q3405318 [#]
[#] Fonto: Vikidatumoj
v  d  r
Information icon.svg

Simonetta Agnello Hornby estas itala verkisto de romanoj kaj kuirarto. Ŝiaj romanoj estas internaciaj sukcesoj, tradukitaj en pli ol dudek lingvoj.

Ŝi naskiĝis en Palermo, Sicilio, en 1945, Simonetta Agnello Hornby pasigis la plej grandan parton de sia plenaĝa vivo en Anglio, kie ŝi laboris kiel advokato por komunuma jura helpa firmao kiu fakas pri hejma perforto, fondita de ŝi en 1979. Ŝi prelegis multajn jarojn, kaj estis partatempa juĝisto ĉe la Tribunalo pri Specialaj Edukaj Bezonoj kaj Malkapableco dum ok jaroj.

Ŝia debuta romano La Mennulara (La Migdalrikoltistino) estis publikigita en Italio en 2002 de Feltrinelli, kaj estis premiita per la Literatura Premio Forte Village, La Stresa Premio por Fikcio, kaj la "Alassio 100 Libri - Aŭtoro por Eŭropo" Premio en 2003. Tradukita en pli ol dek lingvojn, ĝi fariĝis internacia furoraĵo.

En la sekva jardeko, Simonetta Agnello Hornby verkis ses pliajn romanojn: nome La zia Marchesa, Boccamurata, Vento Scomposto, La Monaca, (gajninto de la itala Pluma Premio), kaj Il veleno dell'Oleandro. Ŝi ankaŭ publikigis memorojn (Via XX settembre, La mia Londra), kolekton de noveloj (Il male che si deve raccontare), librojn de receptoj kaj etiketo, amuzaĵon, (La cucina del buon gusto). Ŝia lasta libro, Il pranzo di Mosè, estis publikigita en Italio en 2014. Ŝi loĝas en Londono.