Socia tavoligo

El Vikipedio, la libera enciklopedio
Saltu al: navigado, serĉo

Socia tavoligo, socia tavoliĝo, socia stratumiĝosocia stratumigo, depende ĉu oni konsideras tion kiel spontanea aŭ kaŭzita afero, estas la kategoriado de socio de homoj en sociekonomiajn tavolojn, bazitaj sur okupo kaj enspezo, riĉaĵo kaj socia statuso, aŭ derivitaj rajtoj kaj povoj (socie kaj politike). Kiel tia, tavoliĝo estas la relativa socipozicio de personoj ene de socia grupo, kategorio, geografia regiono, aŭ socia unuo. En modernaj okcidentaj socioj, socia tavoliĝo tipe estas konsiderita kiel distribuebla en tri sociaj klasoj: (i) la alta klaso, (ii) la meza klaso, kaj (iii) la malalta klaso; en victurno, ĉiu klaso povas esti subdividita en tavolojn, ekz. la supra tavolo, la meza tavolo, kaj la plej malalta tavolo.[1] Krome, socia tavolo povas esti formita sur la bazoj de parencecokasto, aŭ ambaŭ.

La kategoriado de homoj laŭ sociaj tavoloj okazas en ĉiuj socioj, intervalante de la kompleksaj, ŝtat-bazitaj socioj ĝis tribaj kaj feŭdaj socioj, kiuj estas bazitaj sur sociekonomiaj rilatoj inter klasoj de nobelaro kaj klasoj de kamparanoj. Historie, socioj de ĉasistoj-kolektistoj, aŭ ne, povas esti difinitaj kiel socie plurtavolaj aŭ ĉu socia tavoliĝo komencis kun agrikulturo kaj oftaj agoj de socia interŝanĝo, restas diskutita afero en la sociaj sciencoj.[2] Determini la strukturojn de socia tavoliĝo ekestiĝas de neegalaĵoj de statuso inter personoj, tial, la grado de socia malegaleco determinas la socian tavolon de persono. Ĝenerale, ju pli ampleksa estas la socia komplekseco de socio, des pli sociaj tavoloj ekzistas, per socia diferencigo.[3]

Vidu ankaŭ[redakti | redakti fonton]

Notoj[redakti | redakti fonton]

  1. Saunders, Peter (1990). Social Class and Stratification. Routledge. ISBN 978-0-415-04125-6. [1] Alirita la 7an de Majo 2016.
  2. Toye, David L. (Majo 2004). "The Emergence of Complex Societies: A Comparative Approach". World History Connected 11 (2). [2] Alirita la 7an de Majo 2016.
  3. Grusky, David B. (2011). "Theories of Stratification and Inequality". In Ritzer, George kaj J. Michael Ryan (eld.). The Concise Encyclopedia of Sociology. Wiley-Blackwell. pp. 622–624. Alirita la 23an de Junio 2014.