Konstruita lingvo

Lingvo > Konstruita lingvo

---

Konstruita lingvo (aŭ artefarita lingvo) estas lingvo kiu estis racie elpensita de homoj. La plej multaj estas konstruitaj por uzo en homa komunikado same al la naturaj lingvoj. Multaj estas konstruitaj por uzi kiel internacia helplingvo, sed aliaj por fikcio, lingva eksperimentado aŭ kiel sekreta lingvo.

Ofte oni uzas la terminon planlingvo por referi al lingvo konstruita por la uzo en homa komunikado. Pli precipe, ĉi tiu termino referas al internaciaj helplingvoj kiel Esperanto. Multaj esperantistoj dum varbado preferas tiun terminon al artefarita lingvo, ĉar ĉi tiu lasta estas plursenca (vidu natura lingvo).

Multfoje estas malfacile klasifiki konstruitajn lingvoj. Ekz. kaj Loglan estis konstruita por testi la Sapir-Whorf hipotezo kaj tial estas eksperimenta lingvo, dum la tre simila Lojban estu laŭ ĝiaj subtenantoj parolata lingvo kaj tial estas planlingvo. Sed certe ambaŭ povus esti klasifikitaj en ambaŭ klasoj.

Ankoraŭ unu speco de lingvoklasifo distingigas apriorajn kaj aposteriorajn lingvojn.

Specoj de konstruitaj lingvoj

• Planlingvoj
  • Internaciaj helplingvoj
  • Fakaj planlingvoj kiel Marparolo
  • Helplingvoj por neinternacia uzo kiel Slovio
  • Logikaj lingvoj kiel Lojban

• Fikcilingvoj
• Eksperimantaj lingvoj
  • Logikaj lingvoj kiel Loglan
• Ludaj kaj ŝercaj lingvoj
• Sekretaj lingvoj