Paronimo

Paronimo estas vorto preskaŭ samsona, sed havas malsaman signifon, ekzemple pesi (transitiva verbo) - pezi (netransitiva). Paronimoj oftis en Pra-Esperanto por distingi parencajn nociojn, sed Zamenhof forlasis plejmulton de tiuj en la matura Esperanto - paronimoj ja facile konfuziĝas kaj kreas dubon.

Listo de Esperantaj paronimoj

Tiu ĉi sekcio estas nekompleta (sed plikompletiginda) listo de paronimoj (konfuze similsonaj vortoj). Kelkaj vortoj(*) estas rigardataj kiel superfluaj neologismoj.

adolto*	plenkreskulo	adult (angle)
adulto	rompado de geedza fideleco

agordo*	ĝusta interrilato inter muzikiloj	accord (france)
akordo	samopinieco; kombino de tonoj

akcento	emfazo	accent (angle)
akĉento*	maniero paroladi

aldo*	kontralto	alto (itale)
alto	vertikala dimensio

aloo	sukulenta planto	aloē (latine)
alo	flugilo, flanka elemento k. a.

arao	papago	ara (france)
aro	sufikso -ar-

artiklo	Ĉiu aparta speco de varo	article (angle)
artikolo	partikulo; aparte pritraktata temo en gazeto, revuo

cendo	nevalora monero, 1/100 de eŭro, dolaro, guldeno	cent (angle)
cento	100

senco	kompreno de vorto	sense (angle)
senso	perceptokapablo
sento	stato de konscio

cigaredo	tabaka fumcilindro en papero	cigarette (angle)
cigareto	eta cigaro; tabaka fumcilindro en tabakfolioj

damao	cervedo	damas (latine)
damo	sinjorino	dame (france)

dezerto	sabla tereno	desert (angle)
dizerti	fuĝi el militservo
deserto	dolĉa manĝo	dessert
diserti	prezenti studrezulton	dissert

drinki	multe gluti alkoholaĵon	drink (angle)
trinki	gluti likvaĵon

ego	sufikso -eg-
egoo	mio	ego (latine)

erao	kronologia sistemo	aera (latine)
ero	sufikso -er-

fabelo	aventura rakonto por infanoj	fable (angle)
fablo	rakonto kun moralinstruo

festeno	bankedo, ktp	feast (angle)
festo	celebra tempo

firmao	komerca entrepreno	Firma (germane)
firma	fiksita	firm (angle)

foko	felhava mamulo	phốkê (greke)
fokuso	punkto	focus (latine)

generalo	armea oficiro	general (angle)
ĝenerala	ne specifa

genro	gramatika kategorio (vira, ina, neŭtra)
ĝenro	kategorio aŭ speco de verkoj	genre (france)

go	liternomo G
goo	japano tabulludo	go (japane)

ĝoji	senti plezuron (netransitiva)	enjoy (angle)
ĝui	senti plezuron pro posedo de io (transitiva)

germana	nuna gento kaj lingvo	Germanus (latine)
ĝermana	antikva lingvo kaj gento

ĝusta	Precize konforma al regulo	just (angle)
justa	Respektanta egale k senpartie la rajtojn de la aliaj homoj
ĵusa	Okazinta antaŭ tre mallonga tempo

halo	ĉambrego	hall (angle), Halle (germane)
haloo	luma cirklo, ringo	halo (angle)

helico	neebena kurbo	Helix (germane)
heliko	Gastropodo havanta firman konkon
helikso	Elstaro, kiu borderas la orelkonkon

humoro	stato de temperamento aŭ psiko	humor (hispane)
humuro	komika absurda maniero

imposto	deviga pago al ŝtato	impost (angle)
impoŝto	ŝtono, kiu estas parto de volbo

justeco	egaleco, senpartieco, egalrajteco	justice (angle)
justico	administracio, kiu zorgas pri juĝistoj, punoj, ktp

kamerao	fotoaparato	camera (latine)
kamero	ĉambreto	Kammer (germane)

kasedo	sonbendo, vidbendo	cassette (angle)
kaseto	eta monkesto "kas-eto"

komplemento	Iu ajn frazrolo rilate al la predikato	Komplement (germane)
komplimento	Gratulaj flataj vortoj adresataj al iu	Kompliment

koko	birdo	coq (france)
kokoso	frukto	coco (hispane, portugale)

koncepti	imagi ideon	conception (france)
koncipi	gravediĝi

koncerto	Muzika kunveno	concerto (itale)
konĉerto	Verko sonateca por orkestro kun soloinstrumento

konkuro	peno superi alian	concours (france)
konkurso	antaŭaranĝita konkuro kun reguloj, juĝistoj, premioj

koro	organo	cor (france)
koruso (ĥoro)	aro da kantantoj	хор (ruse)

korpo	aro de la materiaj partoj	corpus (latine)
korpuso	Plej ampleksa divido de armeo

koto	tero, polvo, miksita kun akvo	Kot (germane)
kotoo	muzikilo	koto (japane)

letero	skribita mesaĝo	letter (angle)
litero	signo de alfabeto

loto	tio, kion iu ricevas hazarde	lotto (angle)
lotuso	frukto	lōtus (latine)

magazeno	deponejo, vendejo	Magazin (germane)
magazino	periodaĵo

mandareno	ĉina ŝtatoficisto	mandarine (angle)
mandarino	oranĝa frukteto

marĉo	malseka tereno	marsh (angle)
marŝo	piedirado	march
marto	monato

metro	mezurunuo de longo	μέτρον (ruse)
metroo	urba eksterstrata fervojo	métro (france)

miso	prefikso mis-
misoo	pastaĵo	miso (japane)

negro	nigrulo	negro (hispana)
nigro	koloro

no	liternomo N
noo	dramo	nō (japane)

novao	nova stelo	novus (latine)
nova	antaŭe ne ekzistanta

ofero	fordono	offer (angla)
oferto	propono

ordo	regula aranĝo	order (angla)
ordeno	religia socio
ordino	enoficigo en religia profesio
ordono	esprimo de estra volo

organo	korpa parto	organ (angla)
orgeno	muzikilo

panico	herbo	panicum (angla)
paniko	subita teruro	panic

partiklo	eta ero de fizika materio: fotono, kvarko, ...	particle (angla)
partikulo	vorteto sen fleksio: ja, ajn, ...

pato	senkovrila kaserolo	pătella (latine)
patoso	emocia esprimo	pato (hispane, portugale)

perĉo	genro Acerina de riverfiŝoj	perca (portugale)
perko	genro Perca de riverfiŝoj

planedo	astro	planet (angle)
planeto	eta plano

procedo	sinsekvo de rimedoj	procédé (france)
procesio	ceremonia marŝo	procession
proceso	enjuĝeja laŭleĝa atako	procès
procezo	natura sinsekvo de fenomenoj	processus

produkto	farita utila objekto	product (angle)
produto	rezulto de multipliko

radio	brila strio	radius (latine)
radiuso	streko de la centro

sino	parto de la vesto	sinus (latine)
sinuso	dilataĵo de vaskulo

stato	situacio	state (angle)
ŝtato	registaro

sumo	rezulto	summa (latine)
sumoo	sporto	sumō (japane)

tabelo	matrico	table (angle) tableau (france)
tablo	meblo	table (angle, france)
tableto	eta meblo	tablette (france)
tablojdo	premaĵo por enbuŝigo
tabulo	ebena plato	tableau (france)

termo	algebra grando en adicio kaj subtraho	term (angle)
termino	faka vorto

teroro	politika perfortado por timigi homojn	terror (angle)
teruro	timego

toasto	pano	toaste (angle)
tosto	trinka parolo

trajno	vagonara veturilo	train (angle)
trejno	instruado, dresado

veto	risko de mono	veto (latine)
vetoo	nuligo de politika decido	vetō (latine)

violino	ina floro "viol-ino"
violono	muzikilo	violin (angle)

viro	homo	vir (latine)
viruso	enĉela parazito	virus (latine)

Vidu ankaŭ

• Homonimo
• Sinonimo
• Antonimo
• Hiponimo
• Hiperonimo
• Listo de falsaj amikoj
• Listo de falsaj tradukoj
• Listo de misprononcadoj