Saltu al enhavo

Stristrigo

El Vikipedio, la libera enciklopedio
Kiel legi la taksonomionVikipedio:Kiel legi la taksonomion
Kiel legi la taksonomion
Stristrigo

Biologia klasado
Regno: Animaloj, Animalia
Filumo: Ĥorduloj, Chordata
Klaso: Birdoj, Aves
Ordo: Strigoformaj, Strigiformes
Familio: Strigedoj, Strigidae
Genro: Asio
Specio: Stristrigo, A. clamator
Asio clamator
(Smith, 1834)
Konserva statuso
{{{220px}}}
Konserva statuso: Malplej zorgiga
Sinonimoj


Pseudoscops clamator

Aliaj Vikimediaj projektoj
v • d • r

La Stristrigo, Asio clamator, estas mezgranda malhela strigo, tio estas specio de birdo el la ordo de strigoformaj, familio de strigedoj, kun plumtufoj super kapo. La strigoj apartenantaj al la genro Asio estas konataj kiel orelstrigoj, ĉar ili havas plumtufojn aspektantaj kvazaŭ mamulaj oreloj. Tiuj "oreloj" povas esti aŭ ne esti videblaj, tiukaze estas longaj, tre nigraj kaj sufiĉe videblaj.

Priskribo

[redakti | redakti fonton]

Tiu ĉi specio havas brunecblankan vizaĝan diskon (blanka krom brunecaj antaŭkrono kaj makuloj sub la okuloj) kun tre klare nigraj bordoj. La beko estas nigra kaj preskaŭ kovrita de blankecaj plumoj, kaj havas malhelajn cinamokolorajn okulojn. Ĝi havas pli mallongajn, rondoformajn flugilojn ol plej parto de siaj proksimaj parencoj. La supraj partoj estas cinamaj kun fajna nigra vermostriado kaj dikaj strioj, de kie devenas la specifa ordinara nomo. La subaj partoj estas palbrunaj kun malhelaj strioj. La latina specifa nomo clamator aludas al ĝia laŭta voĉo.

Ĝi uzas varion de habitatoj, inkludante riverajn arbarojn, marĉojn, savanojn, herbejan malfermajn areojn, kaj tropikajn pluvarbarojn. Ĝi povas troviĝi el marnivelo ĝis 1600 metroj kaj iom supre. Ĝi loĝas en Sudameriko, kaj partoj de Centrameriko.

La taksonomian lokigon ankoraŭ oni ne solvis. Diversaj fakuloj lokigas ĝin ĉu en Asio, ĉu en Pseudoscops kun la Jamajka strigo, aŭ pli rare en la unutipa genro Rhinoptynx.

Distribuado kaj habitato

[redakti | redakti fonton]

La stristrigo estas indiĝena de granda parto de Suda kaj Centra Ameriko. Ĝia teritorio ne estas bone konata, eble ĉar ĝi estas nokta kaj ne facile videbla, sed ĝi estas konata el Argentino, Belizo, Bolivio, Brazilo, Kolombio, Kostariko, Ekvadoro, Salvadoro, Franca Gviano, Gvatemalo, Gujano, Honduro, Meksiko, Nikaragvo, Panamo, Paragvajo, Peruo, Surinamo, Trinidado kaj Tobago, Urugvajo kaj Venezuelo. Ĝi uzas diversajn vivejojn, inkluzive de riverbordaj arbaroj, marĉoj, savanoj, herbaj malfermaj areoj kaj tropikaj pluvarbaroj. Ĝi troveblas de marnivelo ĝis altitudo de 1 600 m kaj pli.[1]

Referencoj

[redakti | redakti fonton]
  1. ↑ BirdLife International (2016). "Asio clamator". IUCN Red List of Threatened Species. 2016 e.T22689522A93234205. doi:10.2305/IUCN.UK.2016-3.RLTS.T22689522A93234205.en. Alirita la 12an de Novembro 2021.

Eksteraj ligiloj

[redakti | redakti fonton]