Uttwil

Uttwil
	Blazono de Uttwil
	Ŝiphaltejo de Uttwil
komunumo en Svislando • setlejo
Kantono	Turgovio
Distrikto	Arbon
Koordinatoj	47° 35′ 0″ N 9° 21′ 0″ O / 47.58333 °N, 9.35000 °O (mapo)Koordinatoj: 47° 35′ 0″ N 9° 21′ 0″ O / 47.58333 °N, 9.35000 °O (mapo)
Nombro de loĝantoj	1604
Areo	4,3 km²
Alteco	419 m super marnivelo
Poŝtkodo	8592
Komunumkodo	4451
	v • d • r

Por samtitola artikolo vidu la paĝon Uttwil (stacidomo).

Pri la komunumo

Uttwil (en Esperanto ankaŭ Utvilo) estas komunumo en la distrikto Arbon de Kantono Turgovio, Svislando. Ĝi havis 1604 loĝantojn je la 31-a de decembro 2007.

Geografio

Uttwil situas ĉe la bordo de Bodenlago nordoriente de Romanshorn.

Najbaraj komunumoj

Uttwil limas en nordokcidento al Kesswil, en okcidento al Dozwil, en sudokcidento al Hefenhofen, en oriento al Romanshorn, kaj en nordoriento al Bodenlago, je kiel alia flanko situas la germanaj komunumoj Friedrichshafen kaj Immenstaad am Bodensee en Baden-Virtembergo.

Trafiko

Uttwil situas ĉe la trajnlinio de Svisaj Federaciaj Fervojoj de Kreuzlingen al Rorschach. Ĝi disponas ankaŭ pri liniŝipkonekto al Altenrhein kaj Konstanco. Tra la komunumo kondukas la kantona ĉefvojo n-ro 13 de Romanshorn al Kreuzlingen. La plej proksima alveturejo al la aŭtovojo A7 situas proksimume 20 km nordokcidente de Uttwil apud Kreuzlingen.

Historio

La unua dokumenta mencio de Uttwil datiĝas de la 4-a de junio 817 kiel Uttinvillare. Ekde la 13-a jarcento ĉefa bienposedanto kaj reganto en Uttwil estis la Monaĥejo Münsterlingen, sub kiel servuto Uttwil restis ĝis la Helveta Revolucio en la jaro 1798.

En la jaro 1644 la tiel nomita Utvila Negoco (en la germana lingvo Uttwiler Handel) okaze de kiu la utvilanoj sub la protekto de la urbo Zuriko mal konstruis la kapelon de Sankt-Adelheid por grandigi sian preĝejon, post plendo de la abatino de Münsterlingen preskaŭ kaŭzis militon inter la cetere Svisa Ĵurkomunumo kaj Zuriko. La Ĵurkomunumo kondamnis la utvilanojn al puno de 1200 guldenoj, kiujn lastmomente Zuriko pagis por ili. ^[1]