Valle de Villaverde

El Vikipedio, la libera enciklopedio
Jump to navigation Jump to search
Valle de Villaverde

Flago

Blazono

Flago Blazono
Oficiala nomo Valle de Villaverde
Ŝtato Flago de Hispanio Hispanio
Aŭtonoma Komunumo Flago de Katabrio Kantabrio
Komarko Asón-Agüera
Urbo La Matanza (ĉefurbo)
Poŝtkodo 39880
Areo 19.53 km² km²
Alteco 190 m.
Loĝantaro 340 loĝ. (2013)
Riveroj Agüera
Koordinatoj 43°13′56″N 3°16′57″U  /  43.232309°N, 3.282444°U / 43.232309; -3.282444 (Valle de Villaverde)
Municipo en Kantabrio.
v  d  r
Information icon.svg

Valle de Villaverde (alinome Villaverde de Trucíos inter 1822 kaj 2005) estas valo kaj municipo en la aŭtonoma komunumo Kantabrio. Ĝi estas kantabra enklavo en la eŭska provinco Biskajo. Ties najbaraj biskajaj municipoj estas Carranza, Artzentales kaj Trucios. Tra la municipo kuras fervojo Santandero-Bilbao.

Historio[redakti | redakti fonton]

La ĉirkaŭa regiono estis loĝita de kantabrojaŭtrigonoj jam antaŭ la alveno de Romio en Iberio. Dum Mezepoko ĝi apartenis al senjorlando de la familioj Ayala kaj Salcedo. En la 15-a jarcento ĝi estis aĉetita de Pedro Fernández de Velasco, grafo de Haro. Tiu akiro estas la origino de ties daŭra kaj nuna aparteneco al Kantabrio kiel enklavo en Biskajo.

Ties tradicia nomo de la valo estas Valle de Villaverde (Valo de Villaverde) sed en 1822, dum la Liberala Jartrio, ĝi ekhavis la nomon Villaverde de Trucíos. En 2005, la municipa registaro ŝanĝis la nomon reen al Valle de Villaverde. Kiam en 1833 Hispanio estis administre dividita je provincoj, la valo estis fikse ligita al la provinco Santandero (nuna Kantabrio).

La 11-an de aŭgusto 1875, dum la Tria Karlisma Milito, okazis granda batalo en la valo kun venka rezulto por la subtenantoj de Alfonso la 12-a.

Regado[redakti | redakti fonton]

La municipo estas regita de la Regionisma Partio de Kantabrio post venko per absoluta plimulto en balotoj de 2007 kaj 2011. Laŭ iredentisma eŭska naciismo, la municipo apartenu al Eŭskio, samkiel Treviño (enklavo de provinco Burgoso en Alavo) . Ties eŭskigita nomo estas Villaverde Turtzioz.

Lokoj[redakti | redakti fonton]

Jen listo de loĝitaj lokoj kaj vilaĝoj en la municipo:

  • La Altura
  • El Campo
  • La Capitana
  • Los Hoyos
  • La Iglesia
  • Laiseca
  • La Matanza (sidejo de municipdomo)
  • Mollinedo
  • Palacio
  • Villanueva