Varno

El Vikipedio, la libera enciklopedio
Saltu al: navigado, serĉo
Disambig-dark.svg Tiu ĉi artikolo temas pri la hinduisma termino varṇa. Pri la urbo en Bulgario vidu la artikolon Varna.
Seventy-two Specimens of Castes in India (31).jpg
Seventy-two Specimens of Castes in India (46).jpg
Seventy-two Specimens of Castes in India (13).jpg
Seventy-two Specimens of Castes in India (18).jpg
Seventy-two Specimens of Castes in India (29).jpg
Seventy-two Specimens of Castes in India (62).jpg

La varnoj (sanskrite varṇa) estas la kvar grupoj en kiuj preskaŭ la tuta homa socio dividiĝas, laŭ la hinduismo. La varnoj estas la bazo de la kasta sistemo en Barato kaj la kvar estas:

  • Brahmanoj, kies membroj tradicie estas pastroj, instruistoj kaj simile
  • Kŝatrjoj, kies membroj kutime estis batalantoj kaj politikaj gvidantoj
  • Vajŝjoj, kiuj estis komercistoj kaj artisanoj,
  • Ŝudroj, kiuj estis la laboristoj.

Laŭ la religio, la kvar varnoj devenis de la korpo partoj de la dio Puruŝa.

En la Hinduisma sistemo, la malsamaj varnoj ne havas la saman valoron. La brahmina varno estas konsiderata la plej supera, kaj la Ŝudroj estas konsiderataj la plej malsuperaj. Eĉ malpli superaj ol la Ŝudroj estas la dalitoj aŭ "netuŝeblaj homoj", kiuj tradicie faras laborojn konsideratajn ne puraj laŭ la Hinduisma kredo. Ili ne apartenas al iu ajn varno kaj estis forte diskriminaciitaj.

Ĉiu varna dividiĝas en multajn Jati, endogamajn kaj heredajn komunumojn kiuj tradicie estas ligitaj al aparta profesio. La Jati korespondas al la kastoj, dum la varnoj reprezentas grupojn da kastoj.

Nuntempe en Hindio multaj homoj estas ankoraŭ tre konsciaj pri sia varno kaj kasto, kvankvam homoj ne plu necese faras laboron kunligitan kun sia kasto.[mankas fonto]