Vikipedio:Artikolo de la semajno/2010/50

El Vikipedio, la libera enciklopedio
Salti al navigilo Salti al serĉilo
Bruligado de la kavaliro de Hohenberg kaj de lia servanto, kondamnita je la mortpuno en la ŝtiparo pro sodomio, antaŭ la urbomurego de Zuriko, 1482.

La samseksemo en Eŭropo estis diversmaniere traktata kaj (mal)tolerata dum la paso de la tempo en la eŭropa kontinento. Kvankam nuntempe samseksemo estas akceptata relative normale en multaj landoj de la malnova kontinento, ĝi estis severe persekutata dum diversaj historiaj periodoj kaj ideologiaj sistemoj, tiaj kiaj naziismo, komunismo aŭ pli frue la inkvizicio.

La diversaj eŭropaj administradoj, kaj ŝtataj kaj regionaj, iom post iom nuligis la leĝojn kiuj punis aŭ diskriminaciis la samseksemulojn, sed multe pli ĵuse, tiuj leĝoj ampleksiĝadas por ke la samseksemuloj havu la samajn rajtojn kiel la aliseksemuloj, tiaj kiaj la registrita partnereco aŭ la edz(in)eco, aŭ la nuligado kaj punigado de la homofobio. En la plimulto de landoj el iama socialisma Eŭropo ne ekzistas leĝoj kiuj egaligas la rajtojn de samseksemuloj al tiuj de aliseksemuloj, dume en okcidenta troviĝas pluraj landoj kiuj protektas kaj defendas tiajn rajtojn.

Ekzemplo de tiu evoluo estas tiu kiun faris la Eŭropa Parlamento, kiu konsideras la homofobion kiel timo bazata sur antaŭjuĝoj. Legu pli...