Vilmos Benczik

El Vikipedio, la libera enciklopedio
Jump to navigation Jump to search

BENCZIK Vilmos (naskiĝis en 1945, esperantistiĝis en 1959) estas hungara profesoro en altlerneja fakultato de la universitato ELTE en Budapeŝto. Inter 1965 kaj 1967 kaj 1978 kaj 1992 li estis estrarano de Hungara Esperanto-Asocio, inter 1977-1990 redaktanto de Hungara Vivo, ekde 1979 dum kelkaj jaroj komitatano de Universala Esperanto-Asocio, inter 1986 kaj 2002 prezidanto de la juĝkomisiono de la Belartaj Konkursoj de UEA. Benczik kunlaboris en Norda Prismo kaj verkis recenzojn en multaj revuoj. En 1979 li publikigis Libro de Romanoj, en 1980 Studoj pri la Esperanta Literaturo kaj en 1983 Hungara Antologio, krom tradukoj el la hungara, recenzoj, eseoj, tradukoj en pluraj revuoj.[1] Ekde 2016 honora membro de UEA.

Liaj poemoj "Laboristoj" kaj "Al mia patrino" eniris la libron Esperanta Antologio.

En 1983 Benczik aperigis ĉe la eldonojo Corvina Kiadó la volumon Hungara Antologio. La elirbazo de tiu volumo estis samtitola volumo el 1933, sed la nova volumo estas pli ampleksa kaj la du volumoj diferencas ankaŭ laŭ la konsisto de la elektitaj verkoj kaj akompana tekstaro.

En 2001 elektita li estis membro de la Akademio de Esperanto.[2]

Bildaro[redakti | redakti fonton]

Referencoj[redakti | redakti fonton]

  1. "La kontribuantoj" en Lingva Arto, UEA, Roterdamo, 1999, paĝo 213.
  2. Membroj kaj korespondantoj. Arkivita el la originalo je 2015-10-29. Alirita 2015-10-29.

Eksteraj ligiloj[redakti | redakti fonton]