Vsetínská Bečva

El Vikipedio, la libera enciklopedio
Jump to navigation Jump to search

Vsetínská Bečva estas pli signifa alfluanto el la alfluantoj de rivero Bečva. Ĝi fontas en moravia-slovaka limregiono inter montoj Dupačka kaj Oselská en montaro Javorníky. La longeco de la rivero estas 58,4 km. La plej vasta vilaĝo en la fino de la valo estas Velké Karlovice kun multaj popolaj konstruaĵoj, poste la rivero trafluas tra vico da montarvilaĝoj kun belsonaj valaĥiaj nomoj – Karolinka, Nový Hrozenkov, Halenkov, Huslenky, Hovězí, Janová. Pli granda sidejo situanta sur la rivero estas urbo Vsetín, de kie la rivero celas norden al la kunfluejo kun la rivero Rožnovská Bečva. Belaj panoramoj en la valon de Vsetínská bečva estas el montopintoj de Javorníky.