William Bailey

El Vikipedio, la libera enciklopedio
Salti al navigilo Salti al serĉilo

William BAILEY [bejli] (naskita la 24-an de decembro 1866 en Manchester; mortinta en 1946[1]) estis angla esperantisto, muzikisto kaj membro de la Akademio de Esperanto.

Bailey esperantistiĝis en 1905 kaj de tiam li kunlaboris en la periodaĵoj The British Esperantist, La Esperanta Instruisto, Esperanto Monthly kaj Literaturo. Li profunde studis la verkojn de L.L. Zamenhof kaj ĝisoste sekvis ilin. Li estis "vivanta konkordanco" al la Zamenhofa verkaro.

Vortaraj laboroj[redakti | redakti fonton]

Li kunlaboris en la Esperanta-Angla vortaro de Edward Alfred Millidge (1912, 1922, 1924, 1931, 1942) kaj en la kontrolado de la tradukoj de l' esperanta, t.n. "Londona Biblio" (1926). En 1938 li kun J.R.G. Isbrücker prezentis provon de esperantaj difinoj de la Vortaro Oficiala, kiu atingis tamen nur literon A.[2]

Tradukoj[redakti | redakti fonton]

Estas konata lia traduko de "Thought Power" (Penspotenco) de Anna Mills. Pliaj tradukoj estas:

  • Anna W. Mills: Penspotenco (Eastbourne, - 44 p.)
  • Upton Sinclair: Petrolo! (London: Esperanto Publ. Co., 1936)
  • J. Vezey Strong: Civitano William Penn (London: Societo por Mondamikiĝo, 1911. - 12 p.)
  • Giuseppe Verdi: Facilanimaj estas virinoj (La donna è mobile - el la opero Rigoletto. - En: Kantu ni!)
  • George Frederick Wates: De tutmonda perforto al tutmonda frateco (London: Esperanto Publ. Co., 1938. - 119 p.)
  • George Frederick Wates: Progresado kaj la pasinteco: ekrigardo tra la tempaĝoj (London, Esperanto Publ. Co., 1936. - X, 152 p.)

Fontoj[redakti | redakti fonton]

  1. Niaj mortintoj 1939–1946, en: Esperanto novembro-decembro 1946, paĝo 4.
  2. Difinoj de vortelementoj. Publika propono. En: “Heroldo de Esperanto” n-roj 9 (965) - 11 (967) kaj 24 (1029) – 29 (1034). Scheveningen, “Heroldo de Esperanto”, 1938 kaj 1939. Difinoj en Esperanto de oficialaj radikoj el “Universala Vortaro” kaj la unuaj ses “Oficialaj Aldonoj al la Universala Vortaro” (nur radikoj komenciĝantaj per litero A, pli ne aperinta.