Wolfgang Schwanzer
| Wolfgang Schwanzer | |
|---|---|
| Persona informo | |
| Naskiĝo | 5-an de junio 1953 |
| Morto | 31-an de januaro 2026 |
| Lingvoj | Esperanto • germana |
| Ŝtataneco | Germanio 
|
| Okupo | |
| Okupo | esperantisto ŝtatoficisto
|
Wolfgang SCHWANZER (naskiĝis la 5-an de junio 1953, forpasis la 31-an de januaro 2026) estis germana esperantisto.
De 1989 ĝis 1994, li estis prezidanto de Germana Esperanto-Asocio (GEA). Kiel GEA-prezidanto li gvidis la procezon de la alproksimiĝo al GDREA kaj de la unuiĝo de ambaŭ germanaj Esperanto-organizaĵoj. Dum la 68-a Germana Esperanto-Kongreso en Freiburg li antaŭ la ĉirkaŭ 300 kongresanoj publike diskutis kun Rainer Heckhausen, vicprezidanto de GEA, Ronald Lötzsch, prezidanto de GDREA kaj Detlev Blanke, sekretario de GDREA, pri la rilatoj inter la du asocioj. Li ankaŭ elpaŝis dum la 5-a Centra Renkontiĝo de la esperantistoj en Kulturligo de GDR en majo 1990 en Brandenburgo kaj tie prezentis GEA al la orientgermanaj esperantistoj. Fine li dum la 69-a Germana Esperanto-Kongreso en majo 1991 en Munkeno subskribis kun Ronald Lötzsch la unuiĝan kontrakton.
En 1996, GEA nomumis lin honora membro. Pro la edukado de siaj du filoj, li dum kelkaj jaroj apenaŭ plu aktivis por la movado, sed en 1999 li denove transprenis gravajn postenojn: Li fariĝis germana ĉefdelegito kaj kotizperanto de UEA kaj transprenis de Manfred Führer la libroservon de GEA.
Wolfgang Schwanzer studis geografion en Frankfurto ĉe Majno, kie li diplomitiĝis kaj doktoriĝis. Ĝis pensiiĝo fine de la 2010-aj jaroj li laboris kiel oficisto de la germana federacia lando Hesio. Li mortis la 31-an de januaro 2026.
Eksteraj ligiloj
[redakti | redakti fonton]- Libroservo de GEA gvidita de Wolfgang Schwanzer
- Nekrologo (kun foto) en La Ondo de Esperanto
Fontoj
[redakti | redakti fonton]- Wolfgang Schwanzer: Ŝanĝoj en la estraro de Germana Esperanto-Asocio. En; Esperanto aktuell 3/1989, p. 2–3.
- Friedrich Hilpert, Werner Bormann, Rainer Heckhausen: Retrorigardo al la 69-a Germana Esperanto-Kongreso. En Esperanto aktuell 5/1991, p. 10–11.
- Fritz Wollenberg: 100 DEUTSCHE ESPERANTO-KONGRESSE 1906–2023. Ereignisse – Personen –Diskussionen – Entscheidungen. Eld. Germana Esperanto-Instituto, serio Esperanto-Dokumente 9, Berlin 2025, ISBN 978-3-9823965-6-9 .
| Antaŭe: | prezidanto de Germana Esperanto-Asocio | Poste: |  |
|---|---|---|---|
| Helmut Klünder | 1989 - 1994 | Elsbeth Bormann |