Insulo Cité
| Insulo Cité | ||
|---|---|---|
 Insulo Cité en Parizo, oktobro 2004 | ||
| rivera insulo | ||
| Akvejo | Sejno | |
| Geografia situo | 48° 51′ 17″ N, 2° 20′ 45″ O (mapo)48.8547222.345833Koordinatoj: 48° 51′ 17″ N, 2° 20′ 45″ O (mapo) | |
| ||
|
| ||
| Areo | 0,225 km² | |
| Administrado |  Francio (Parizo)
| |
| Loĝantaro | 1 168 (2007) 5 191 loĝ./km² | |
La insulo Cité (prononcu [site]), aŭ france Île de la Cité, estas unu el la du insuloj de Parizo. Ĝi konsistigas la historian kaj geografian centron de la franca ĉefurbo : tie estis fondita la antikva urbo Lutetia. La insulo troviĝas en la riverego Sejno. La alia insulo de Parizo, Saint-Louis, situas oriente de la insulo Cité.
Ekde la romia periodo, la okcidenta pinto de la insulo gastigis palacon, dum la orienta parto estis dediĉita al religio, precipe post la konstruo je la 10-a jarcento de la unua katedralo, kiu antaŭvenis la nunan katedralon Dipatrino de Parizo. Inter tiuj du areoj etendiĝis ĝis la mezo de la 18-a jarcento loĝejoj kaj butikoj. Ekde tiam estis starigitaj variaj konstruaĵoj rilataj al juro, ekzemple la polica prefektejo, la tribunalo de Parizo, la malsanulejo Hôtel-Dieu kaj la tribunalo pri komerco.
Hodiaŭ, nur la okcidenta kaj norda pintoj de la insulo konservas loĝejojn. El tiuj ĉi, kelkaj belegaj domoj datiĝas de la 16-a jarcento.
Pontoj[redakti | redakti fonton]
La Île de la Cité estas ligita al la resto de Parizo per pontoj al ambaŭ bordoj de la rivero kaj al la insulo Saint-Louis.
- Pont Neuf ('Nova Ponto'), la plej malnova ponto, kiu situas ĉe la okcidenta fino de la insulo, kaj kunligas la dekstra kaj maldekstra riverbordoj.
- Ponto Saint-Michel - ligas la areon Saint-Germain-des-Prés kun la centro de la insulo.
- La Malgranda Ponto (petit pont) - ligas la Latinan Kvartalon sur la maldekstra bordo kaj la centro de la insulo.
- Ponto Saint-Louis - ligas la du insulojn Parizo, Ile de la Cité kaj Ile Saint-Louis.
- Ponto Notre Dame - ligas la insulon al la regiono Le Marais ĉe la dekstra bordo.
- Pont au Change - ligas la Conciergerie (konsultejo) de la insulo al la dekstra bordo, al la areo de Placo Châtelet.
- Pont d'Arcole - de la Hotelo de Ville ĝis la Hotelo Dieu kaj Notre Dame de Paris.
- Pont au Double, de la varfo de Montebello sur Maldekstra bordo ĝis la fronto de Notre Dame de Paris.