Afriko sude de Saharo

Afriko sude de Saharo (aŭ Subsahara Afriko) estas epiteto ofte donata al Centra kaj Suda Afriko, entenante ne nur la vastajn areojn sude de Saharo, sed ankaŭ sudajn partojn de ĉi tiu dezerto mem. Ĝi estas proksimume la nearaba parto de Afriko. Foje ĉi tiu mondparto estas nomata "nigrula Afriko", kvankam en kelkaj partoj de ĝi superregas ne-nigrula loĝantaro.

Afrikon efektive disigis en du partojn la dezertego Saharo dum pluraj jarcentoj de la historio. Tial la kontakto inter Norda Afriko kaj la cetera kontinento estis minimuma, escepte de kelkaj komercaj karavanoj. Antikvaj Egiptoj malbone konis la landojn sude de norda Sudano. Dum la mezepoko norduloj ĉaskaptis sklavojn sude de Saharo, kaj vendis tiujn en Eŭropo kaj Sudokcidenta Azio. Nur per la esplorvojaĝoj de Araboj (Ibn Batuta) kaj Portugaloj (Vasco da Gama) en la jarcentoj 14-a kaj 15-a ekis pli intensa kontakto inter la mondo ambaŭflanke de Saharo.

Eksteraj ligiloj

greke http://www.blisty.cz/2003/7/1/art14600.html greke http://web.archive.org/web/19961125141049/http://travel.state.gov/tips_sub-saharanafica.html greke http://www.junglephotos.com/africa