Sudano

El Vikipedio

Sudano (arabe سودان Ĝumhūrijjat as-Sūdān) estas lando en la nordorienta parto de Afriko, ambaŭflanke de la alta Nilo.

• Landkodo: SD.
• Esperanta nomo: Sudano, Sudana Respubliko.
• Nacia nomo: Ĝumhūrijjat as-Sūdān (ar), Republic of the Sudan (en).
• Areo: 2 505 800 km².
• Politika sistemo: respubliko.
• Ŝtatestro: prezidento O. H. A. al-Baŝir (1998).
• Ĉefurbo: Ĥartumo (kun ĉirkaŭaĵo pli ol 4, eble 5–6 milionoj).
• Loĝantaro: 36 ĝis 41 milionoj (2006, laŭ diversaj taksoj).
• Ŝtatlingvo: araba lingvo, nubia lingvo, angla lingvo.
• Kredantoj: islamanoj (70%).
• Eksporto: nafto kaj petroloj, kotono, sezamo, arakidoj, araba gumo, sukero.
• Organizoj: UNO (1956)
• Historio: de 1821 la landon regis Egiptio, poste Britio. La lando sendependiĝis en 1956, sed komenciĝis multjara civila milito de la araba kaj islama nordo kontraŭ la kristana kaj animista ne-araba sudo.
• Esperanto-movado

Sudano estas, laŭ areo, la plej granda lando de la kontinento. Ĝia nomo venas el la araba balad as-sūdān, kiu signifas la lando de la nigraj. La oficialaj lingvoj estas la araba kaj la angla, sed estas parolataj ankaŭ ĉirkaŭ 2000 aliaj lingvoj, inter kiuj la plej gravaj estas la dinka, beĝa kaj nuera.

[redakti] Ekstera politiko

Sudano apartenas al la AKP-ŝtatoj, grupo de 79 ŝtatoj el la regionoj Afriko, Karibio kaj la Pacifika Oceano, subskribintoj de la Konvencio de Lomeo.