Auce

Auce
Vecauce (historie), germane Alt-Autz
Urbo
Iama grandbieno Vecauce, ekde 1920 la praktika bazo por agrikulturaj studentoj.
Blazono
Lando	Latvio
Municipo	Dobele
Historia regiono	Zemgalio
Koordinatoj	56° 27′ 39″ N 22° 54′ 04″ O (mapo)
Areo	3,7 km² (370 ha)
Loĝantaro	2 236 (29.01.2021)
Denseco	604,32 loĝ./km²
Urborajtoj	1924
Horzono	EET (UTC+2)
- somera tempo	EEST (UTC+3)
Poŝtkodo	LV-3708
Vikimedia Komunejo: Auce
Retpaĝo: auce.lv

Auce - jen latve, historie ankaŭ germane Alt-Autz kaj litove Aukė, nuntempe litove Aucė - estas urbo en Latvia historia regiono Zemgalio, en la sudo de Latvio. Ĝi apartenas al distrikto Dobele kaj situas en sudokcidenta parto de la distrikto. La distancoj al la plej gravaj centroj estas 33 km de Dobele, 7 km de Litovia limo kaj 109 km de Rigo. Laŭ la stato de la jaro 2023 en la urbo vivis 2 173 personoj sur areo de 3,67 kvadrataj kilometroj, kio rezultigas loĝdenson de 592 loĝantoj/km².

Historio

Ĝis la 13-a jarcento, Auce lando situis in malgranda zemgala - antikva balta tribo - ŝtato Spārnene. Auce unue estis menciita en 1426 kiel Owcze en germane skribaĵo, kiam ĝi estis en parto de Livonio, subjekto al Arkidiocezo de Rigo.

En 1562 Auce trovis sin en la germanlingva Duklando Kuronio. En 1795 la Duklando, kune kun Dobele, estis aneksita al la Rusia Imperio, kaj en 1797 ĝi integrigis ĝin en la Kuronia provincon. Ĉiam en la regiono plu vivis germanaj baltoj, ne nur kiel bienaj posedantoj, sed plejparte kiel normalaj civitanoj (ĝis ili estis devige deportitaj okcidenten pro la sekreta aldona protokolo de la pakto Ribbentrop-Molotov).

Auce, tiutempe Vecauce ("Malnova Auce"), iĝis pli granda setlejo post 1889, kiam la fervojo Rigo-Mažeikiai estis konstruita tra la vilaĝo.

Post la Sendependiĝo Milito (1918-1920), Vecauce estis inkludita en la lastatempe establita Respubliko Latvio. En 1924 Vecauce akiris urborajtojn. En 1925 la antaŭa nomo Auce estis restarigita.

Geografio

La urbo situas en la suda parto de la Orienta Kuronia altebenaĵo, kie ĝi pasas en la Meza Latvia malaltebenaĵo.

Averaĝa temperaturo estas -5,5°C en januaro kaj +16,5°C en julio. Da precipitaĵo falas 650 mm jare.

Transporto

La fervoja linio Rigo-Jelgava-Mažeikiai ne plu estas uzata por pasaĝertransporto en 2022, sed estas planoj restarigi ĝin.

La ĉefa aŭtovojoj de urbo estas P96 (Jelgava-Ezere) kaj P104 (Tukums-Auce-Litovio), lokaj vojoj estas V1116 (Auce-Vadakste), V1117 (Auce-Ķevele) kaj V1118 (Auce-Lielauce).

Loĝantaro

Ŝanĝo de loĝantaro

Jaro	Homoj
1939	3329
1965	4900
2000	3211
2021	2195

Etna strukturo

Jaro	Homoj kune	Latvoj	Rusoj	Belorusoj	Ukrainoj	Poloj	Litovoj	La cetero
2000	3211	2570 (80%)	183 (6%)	55 (2%)	34 (1%)	23 (1%)	337 (10%)	9 (0%)
2021	2195	1745 (79%)	128 (6%)	41 (2%)	16 (1%)	10 (0%)	202 (9%)	53 (2%)

Vidindaĵoj

• Lutera preĝejo
• Iama grandbieno

Bildoj

• 
  Katolika preĝejo.
• 
  Vido de Vecauce grandbieno.
• 
  Urbodomo.
• 
  Raiņa strato.
• 
  Muziklernejo.

Eksteraj ligiloj

Bildoj, sonoj kaj videoj pri temo Auce en Vikimedia Komunejo