Bono Vox

El Vikipedio, la libera enciklopedio
Saltu al: navigado, serĉo
Bono

Paul David Hewson (10-a de majo 1960), pli bone konata sub la artistnomo Bono aŭ origine Bono Vox, estas kantisto de la irlanda muzikgrupo U2. Li edziĝis al Alison Stewart kaj havas kvar infanojn. La familio loĝas en Killiney Hill, proksime de Dublin.

Artistnomo[redakti | redakti fonton]

Li mem diris ke li ricevis la kromnomon "Bono Vox" fare de sia amiko Gavin Friday - la nomo estas variaĵo de la latina vortumo bona vox, kiu - facile diveneble - signifas "bona voĉo". Origine la muzikisto laŭdire malŝatis la nomon, sed alkutimiĝis kaj fine ŝatis ĝin. Ekde la fino de la 1970-aj jaroj li publike mallongigite simple nomatas "Bono". La kromnomo ne nur iĝis sceneja nomo, sed ankaŭ liaj muzikaj kolegoj, familanoj kaj personaj amikoj en privata vivo nomas lin tiel.

Socia engaĝiĝo[redakti | redakti fonton]

Bono ekde 1999 engaĝitas ĉe kampanjoj por repuŝi la ŝuldoŝarĝon de la landoj de la Tria Mondo. Li, same kiel lia amiko Bob Geldof, precipe laboras por plibonigi la situacion en Afriko. En la jaro 2002 Bono por atingi tiun celon fondis la organizaĵon "DATA"-n. Estas la mallongigo de 'Debt, Aids, Trade in Africa' (ŝuldoj, aidoso, komerco en Afriko). Bono interalie parolis kun George W. Bush.

Bono uzas sian famecon por fari bonon en la mondo. Tial li jam havis bonan ŝancon ricevi Nobelpremion de paco. En 2005 li ricevis TED-Premion.

Eksteraj ligiloj[redakti | redakti fonton]

Vidu ankaŭ[redakti | redakti fonton]