Churfirsten
| Churfirsten | |
|---|---|
 Churfirsten en vintra kontraŭlumo viditaj de Malnov-Sankt-Johano |
|
| Alteco | 2306 m |
| Situo | Svislando |
| Montaro | Alpoj |
| Koordinatoj | 46°58′N 8°14′O / 46.967°N, 8.233°OKoordinatoj: 46°58′N 8°14′O / 46.967°N, 8.233°O |
Churfirsten, en Esperanto ankaŭ Ĥurfirstoj, estas montoĉeno respektive montarmasivo konsistanta el 7 (aŭ depende de la nombradmaniero ĝis 13) rimarkindaj pintoj inter Togenburgo kaj Sarganslando respektive inter la valo de la supra Turo kaj Valenlago.
Enhavo |
Nomo [redakti]
La nomo devenas de la 7 princo-elektistoj (germane Kurfürsten) de la Sankta Romia Imperio. La kolegara formo de la montĉeno vekas asocion al la majsteco de la germana elekto-kolegaro, kial ankaŭ oni en la nombrado ĉiam provas alveni al la cifero 7. La nomo havas sian originon en la dokumentoj de Princabatejo Sankt-Galo, kies princabato estis unu el tiuj 7 princo-elektistoj.
Geografio [redakti]
La Churfirsten formas akvodislimon inter Turo kaj Stimmi norde kaj Valenlago, kiu apartenas al la riversistemo de Limato, sude. Al la Valenlago la rokvandoj de Churfirsten falas preskaŭ vertikale. La altecdiferenco inter la plej profunda loko de la lago kaj la pinto de Hinterrugg estas pli ol 2000 m.
La 7 pintoj [redakti]
La 7 plej rimarkindaj pintoj estas de oriento al okcidento:
Chäserrugg, 2262 m s.m.- Hinterrugg, 2306 m s.m.
- Schibestoll, 2234 m s.m.
- Zuestoll, 2235 m s.m.
- Brisi, 2279 m s.m.
- Frümsel, 2263 m s.m.
- Selun, 2205 m s.m.
La ceteraj neoficialaj pintoj [redakti]
Aliaj ne oficialaj pintoj pli okcidente estas: Wart (2068 m s.m.), Schäären (2171 m s.m.), Nägeliberg (2163 m s.m.) kaj Leistchamm (2101 m s.m.).
Turismo [redakti]
En vintro la Churfirsten estas parto de grava ski- kaj neĝtabuladregiono. Ek de Wildhaus, Unterwasser, Malnov-Sankt-Johano, Nesslaŭ kaj Krummenaŭ la diversaj monto-pintoj estas alireblaj per diversaj aertelferoj, funikularoj kaj seĝtelferoj. Ankaŭ somere la regiono estas ŝatata por belaj montgrimpadoj kaj dank al la turisma infratstrukturo facile alirebla.
Eksteraj Ligiloj [redakti]
- Turismaj informoj pri Togenburgo
- Ĉiuj 7 Ĥurfirstoj en unu tago
- Migradraportoj kaj fotoj: Selun, Frümsel, Brisi, Zuestoll, Schibenstoll, Hinterrugg kaj Chäserrugg, krome Nägeliberg kaj Schäären
