Dominikanoj
El Vikipedio
(Alidirektita el Dominikano)
La dominikanoj estas katolika ordeno fondita de Dominiko de Guzmán en la 13-a jarcento. Ĝia latina nomo estas Ordo Praedicatorum (mallonge OP, = ordeno de la predikantoj). Al ĝiaj principoj apartenas la malriĉeco kaj la rajto de la subaj rangoj partopreni en decidoj kaj en la elekto de superuloj.
Fine de mezepoko kaj komence de renesanco la dominikanoj havis elstaran rolon en la inkvizicio kaj ofte havis la rolon de akuzantoj kaj ekzamenantoj. Sed ankaŭ kelkaj dominikanoj estis viktimoj de inkvizicioj, ekzemple Giordano Bruno.
Tre konata ordenano estis Tomaso de Akvino, kiu formulis la devizon contemplari et contemplata aliis tradere (latine: kontempli kaj pludoni la kontemplaĵon).
