Erzurum

El Vikipedio, la libera enciklopedio
Saltu al: navigado, serĉo
Erzurum
Erzurum (Turkio)
DMS
Red pog.svg
Mapo
Regiono Orienta Anatolio
Provinco Provinco Erzurum
Koordinatoj 39°55′0″N 41°17′0″O  /  39.91667°N, 41.28333°O / 39.91667; 41.28333 (Erzurum)Koordinatoj: 39°55′0″N 41°17′0″O  /  39.91667°N, 41.28333°O / 39.91667; 41.28333 (Erzurum)
Loĝantaro 361235 (en 2000)
Retpaĝaro www.erzurum-bld.gov.tr
Retpaĝaro de estraro www.erzurum.gov.tr
v  d  r
Information icon.svg

Erzurum estas urbo en provinco Erzurum en orienta Turkio, kun ĉ. 421.000 loĝantoj (2004).

Ĝi situas en alto de 1950 m, sur produktema ebenaĵo, apud la karavana vojo inter Anatolio kaj Irano. Ĝi estas grava komerca kaj milistista centro ekde la mezepoko. Nun ĝi estas la plej granda fervoja stacio inter Ankaro kaj Irano.

La urbo havis la nomon Theodosiopolis en la Bizanca imperio. La urbon nomumis la araboj kaj turkoj ekde la 14-a jarcento kiel Arzan ar-Rum aŭ Arz ar-Rum, el kio venas la hodiaŭa nomo.

Historio[redakti | redakti fonton]

La loko graviĝis nur en la 5-a jarcento kiel bizanca fortikaĵo. Ĝin okupis araboj en 653, ekde tiam konkurbatalis por ĝi la bizanca imperio, araboj kaj armenoj, dum fine okupis ĝin la selĝukaj turkoj en 1071. La urbo floris en la 13-a jarcento dum regado de la selĝukaj sultanoj.

Ĝi venis sub osmanan regaon en 1515. La urbon okupis rusaj taĉmentoj en 1829, 1878 kaj 1916–18 (Batalo de Erzurum).

En julio de 1919, en Erzurum prezidis Mustafa Kemal en la unua turka nacia kongreso, kiu poste decidis pri establo de la Turka Respubliko.

Turismo[redakti | redakti fonton]

Gravaj konstruaĵoj estis:

  • Selĝukaj teologiaj altlernejoj (fondita en 1253 kaj 1308)
  • Granda Moskeo (13-a jc.)
  • Reĝaj maŭzoleoj (12-a kaj 13-a jc.).

Aliaj informoj[redakti | redakti fonton]

En la urbo funkcias la Universitato Atatürk (ekde 1957).

Erzurum gravas kiel bestokomerca centro, dum la urbo ne havas gravan industrian branĉon (krom sukerfabrikoj). La lokaj metiistoj pretigas metalvarojn kaj selojn.

Gravaj agrikulturaj produktoj estas la tritiko, hordeo, milio, sukerbeto kaj legomoj.

madraso Çifte Minareli