Fehren
| Fehren | |
|---|---|
 |
|
| Blazono de Fehren | |
 |
|
| Fehren | |
| Kantono | Soloturno |
| Distrikto | Thierstein |
| Koordinatoj | 47°23′46″N 7°34′49″O / 47.39611°N, 7.58028°OKoordinatoj: 47°23′46″N 7°34′49″O / 47.39611°N, 7.58028°O |
| Nombro de enloĝantoj | 616 |
| Areo | 1,50 km² |
| Alteco | 587 m super marnivelo |
| Poŝtkodo | 4232 |
| Komunumkodo | 2616 |
 |
|
| Mapo de Fehren | |
Enhavo |
[redakti] Pri la komunumo
Fehren estas komunumo en la distrikto Thierstein en Kantono Soloturno, Svislando. Ĝi havis 616 loĝantojn je la 31-a de decembro 2010.
[redakti] Geografio
Fehren situas oriente de la Baseno de Laufen ĉe la norda deklivo de Mettenberg, kiu apartenas al Soloturna Ĵuraso. La komunumo konsistas el la ĉefvilaĝo kaj la setlejoj Lämmlismatt en nordo, Bachtelen en nordoriento, Bölschberg en sudoriento kaj Stütz en sudokcidento. La teritorio de la komunumo etendiĝas sur areo de 1,50 km², de kiuj 30% estas kovritaj de arbaro, 56% servas pro agrikulturo kaj 13% por setlado.
[redakti] Najbaraj komunumoj
La komunumo Fehren limas en nordo al Breitenbach, en nordoriento al Nunningen, en oriento al Zullwil, en sudo al Meltingen, kaj en okcidento al Büsserach.
[redakti] Trafiko
Tra Fehren pasas la kantona vojo ĉefvojo n-ro 267 (de Laufen tra Breitenbach al Liestal). Per poŝtaŭtolino laŭlonge de tiu vojo, la komunumo estas konektita al la publika transportreto.
[redakti] Vidindaĵoj
La ĉefa rekonilo kaj vidindaĵo de Fehren estas la katolika preĝejo Sankta Otilia, kiu estis konstruita en la jaro 1967. En la jaro 1902 Fehren ricevis de la konsilio de Soloturno la permeson konstrui modestan kapelon, kiu estis dediĉita al Sankta Otilia. En la jaro 1936 Fehren ricevis kiel donaco relikvion de la sanktulino kaj estiĝis deziro konstrui novan preĝejon, kio realiĝis fine en la 1960-aj jaroj.
[redakti] Historio
La unua dokumenta mencio de Fehren datiĝas el la jaro 1371 kiel Hofe in Ferren. Dum mezepoko Fehren estis parto de la Senjorujo Gilgenberg, kiu apartenis al la nobelbaronoj de Ramstein. En la jaro 1527 ĝis fariĝis havaĵo de Soloturno, kaj estis atribuita al la voktejo Thierstein. Ĝis en la 18-a jarcento Fehren estis parto de la komunumo Breitenbach, en la jaro 1789 ĝi disiĝis de Breitenbach kaj fariĝis propra komunumo. [1]
[redakti] Notoj kaj referencoj
[redakti] Eksteraj Ligiloj
- Vidu ankaŭ en la Vikimedia komunejo la kategorion Fehren – (Kolekto de bildoj kaj plurmediaj dosieroj)
[redakti] Bildoj
-
Katolika preĝejo Sankta Otilia
-
Vilaĝeniro de Fehren, venante de Breitenbach
-
Domgrupo ĉe la ĉefstrato
-
Rigardo de la preĝejo norden
|
||||||
