FictionBook

El Vikipedio, la libera enciklopedio
Saltu al: navigado, serĉo
Paĝo el «La postlasitaj aferoj de la Klubo Pikvika» (bitlibro en fb2), prezentita per CoolReader

FictionBook, aŭ esperantigite Fikŝenbuko, estas libera dosierformo de bitlibroj, bazita sur XML, kreita de Demetrio Gribov (Дмитрий Грибов), Miĥaelo Macnev (Михаил Мацнев) kaj la reta komunumo, populara en Ekssovetio. Konforme al sia nomo anglalingva tiu normo estas destinita por bitlibroj beletraj; tial ĝi malhavas rimedojn necesajn por sciencteĥnika literaturo (formulojn ktp; kvankam ja disponeblas la superaj kaj subaj indicoj).

Ekzistas grandaj bibliotekoj da bitlibroj en tiu formo (precipe, sed ne nur, ruslingvaj). Ekz-e la reta biblioteko Либрусек entenas 340 mil librojn de 158 mil aŭtoroj, sume 911 gigabajtojn, inter ili 123 librojn esperantajn en fb2 (laŭ la stato je 2014-11-03). Cetere, la libroj tiuformaj aŭtomate konverteblas al HTML, EPUB, PDF ktp.

Fikŝenbuko estiĝis en la medio de libera programaro, kaj disponigas nenion similan al DRM.

Bitlibro fikŝenfbuka konsistas el unu sola XML-dosiero kun la finaĵo .fb2; plej ofte ĝi estas zipita, kaj tiam ĝia finaĵo estas .fb2.zip.fbz (la bitlibroprezentiloj fikŝenbukaj normale kapablas rekte trakti zipitajn dosierojn). La grafikaĵoj (la bildoj) estas koditaj en 64-uma kodoprezento (Base64) kaj enkadrigitaj per la etikedo <binary>.

Komparo kun ePub[redakti | redakti fonton]

La plej simila alia dosierformo bitlibra estas ePub. La plej evidenta diferenco estas, ke, ePub realigas DRM. Bitlibro en ePub konsistas el pluraj dosieroj kunpakitaj; tamen la ePub-pakaĵo kutime estas pli granda ol zipita fikŝenbuko.

La koncepta diferenco konsistas en tio, ke ePub relative pli multe atentas la eksteran prezenton, dum Fikŝenbuko pli atentas la semantikon de tekstopecoj. La aspekton de libro en ePub dizajnas la eldonisto; Fikŝenbuko lasas pli da libero al la leganto. Ekz-e Fikŝenbuko havas apartajn rimedojn por moto, versoj, piednotoj ktp; la apuda bildo demonstras kiel la libroprezentilo CoolReader aranĝas bildon kaj piednoton. Se la leganton ĝenas la piednotoj paĝosubaj, li povas malmarki la koncernan opcion («Vidigi la piednotojn paĝosube»), kaj la piednotoj aperos librofine (kiel en sPub-libroj). Similaj opcioj disponeblas por iliaj semantikaj pecoj (citaĵoj, versoj ktp). Alivorte, koncepte ePub iom pli similas PDF-on (kvankam tutcerte ĝi estas multe pli fleksebla).

Bitlibroprezentiloj komprenantaj Fikŝenbukon[redakti | redakti fonton]

Programo Platformo Noto
AlReader Androjdo, Vindozo sufiĉe kompleta realigo de la normo (kun tabeloj, paĝosubaj piednotoj ktp)
Calibre Vindozo, OS X, Linukso Libera programaro por bitlibroj
CoolReader Androjdo, Linukso, Vindozo GPL; la plej kompleta realigo de la normo (kun tabeloj, paĝosubaj piednotoj ktp)
FB2 Reader Firefox kaj SeaMonkey sufiĉe kompleta realigo de la normo
Offline FB2 Reader Chrome
FBReader Vindozo, Linukso, Poŝkomputiloj, Androjdo GPL
Haali Reader Windows CE, Vindozo
LibreOffice Linukso, Vindozo LGPLv3
Moon+ Reader Androjdo
Okular Linukso, Vindozo, OS X GPL
Sumatra PDF Vindozo
STDU Viewer Vindozo

Redaktiloj kaj konvertiloj[redakti | redakti fonton]