Google Chrome
| Google Chrome | |
|---|---|
 |
|
 La ĉefpaĝo de la anglalingva Vikipedio, vidita per Chrome |
|
| Aŭtoro: | |
| Lasta stabila versio: | 18.0.1025.168 (30-a de aprilo 2012) |
| Operaciumo: | Vindozo, Linukso kaj OS X |
| Programtipo: | Foliumilo |
| Licenco: | Malfermita kodo |
| TTT-ejo: | Oficiala retejo |
Google Chrome estas foliumilo programita de Google. Ĝi estas libera programaro.[1] Ĝi estis anoncita la 1-an de septembro 2008 per bildrakonto de Scott McCloud[2] distribuita sub la permesilo "Creative Commons Atribuo-Nekomerca-Neniuj derivaĵoj 2.5" kaj sendita per retpoŝto al kelkaj blogistoj.[3] Poste la oficiala blogo de Google ripetis la anoncon.[4]
Enhavo |
[redakti] Trajtoj
Chrome defaŭlte enhavas Google Gears, aplikprograma interfaco kiu ebligas atingi senkonekte siajn datumojn (ekzemple la ofica programaro Google Documents), kaj permesas atingi retaplikaĵojn ekster la foliumilo. Google Chrome ankaŭ pruntas trajtojn de siaj rivaloj: legosigna atingsistemo simila al “speed dial” de Opera, kaj inteligenta adresbreto, grava elpensaĵo de Opera jam uzita de Mozilla Firefox kaj la beta eldono de Internet Explorer 8.
Chrome uzas:
- la aranĝan modulon WebKit (ĝin ankaŭ uzas Safari);
- novan JavaScript-an modulon baziĝantan sur virtuala maŝino nomata V8, anoncita kiel tre efika dank’ al:
- ĝustatempa kompilado de JavaScript-a kodo al maŝinkodo,
- tuja atingo al atributoj per kompleksa interna prezento (objektema kaj dinamika datumtipo) de JavaScript-aj elementoj,
- efika memorredisponigilo, per klare identigitaj objektoj kaj adresmontriloj;
- propran memorspacon por ĉiu komponanto aŭ langeto por gajni rapidecon kaj sekurecon;
- malfermitan kodon;[5]
- dinamikan startpaĝon kun aspekto de la 9 plej vizititaj paĝoj kaj de lastaj legosignoj, fermitaj langetoj kaj serĉoj;
- privatnavigadan reĝimon, kie nenio konserviĝos post la halto de Chrome.
La unua beta eldono aperis la 2-an de septembro 2008 por Windows XP SP2 kaj postaj.
«Chrome» estas kunmetata surbaze de fontoteksto, el kiu estas kunmetebla libera TTT-legilo «Chromium», uzata interalie por testado de aferoj iam aperontaj en «Chrome».
Google Chrome ne administras propran prokurilon sed tiun uzatan de Internet Explorer.
Kelkaj programoj, interalie CyberDOCS, ne funkcias per Google Chrome.
[redakti] Versioj
- 2008 (septembro): Versio 0.2.149.27
[redakti] Notoj kaj referencoj de la artikolo
- ↑ angle Chromium Developer Documentation
- ↑ angle The Google Chrome Team kaj Scott McLoud, “Google Chrome: Behind the Open Source Browser Project”
- ↑ angle Philipp Lensse, “Google Chrome, Google’s Browser Project” ĉe Google Blogoscoped
- ↑ angle Sundar Pichai kaj Linus Upson, “A fresh take on the browser” ĉe The Official Google Blog
- ↑ angle Design Elements - Google V8 JavaScript Engine - Google Code
[redakti] Vidu ankaŭ
[redakti] Rilataj artikoloj
[redakti] Eksteraj ligiloj kaj dokumentoj
Senpaga versio estas elŝutebla de:
